Diferencia entre revisiones de «Sirians (pueblo preislamico)»

 

== Istoria ==

 

En o periodo román tardano os sirians feban notar a suya diferenzia respecto a los griegos prenendo una traza diferent d'a relichión cristiana: o [[monofisismo]]. Sindembargo as poblazions elenizatas, as poblazions de zonas afaboritas por a politica imperial como Palestina, e la chent que yera més a man d'o poder seguiban a ortodoxia que promobeba l'autoridat imperial a l'egual que as poblazions d'orichen griego presents en Orient Meyo, esdebenindo os ''melkitas'', que güei encara son conoxitos como ''Roum'' (romans). O monofisismo yera perseguito por o poder imperial e los suyos liders relichiosos se refuchioron en as zonas montañosas d'a muga nororiental como [[Tur Abdín]], perdendo a suya popularidat. Os monofisistas rezibioron a los musulmans como salbadors, beyendo-los como una seta cristiana més d'as muitas que bi eba en o Imperio Román d'Orient.

Bels sirians se combirtioron a la relichión islamica con a esperanza de poder prener poder politico en una soziedat dominata por una clase dirichent melitar d'orichen arabe. Os Omeyas gobernoron dixando l'administración a los sirians, que seguiban os modelos organizatibos d'o Imperio Román d'Orient. Encara podeban estar consideratos ''sirians'', encara que musulmans a os 7000 sirians musulmans mandatos por [[Balch]] que entroron en l'[[Al Andalus]] pa esclafar una rebuelta berber [[Kharichismo|kharichí]] cuentra os arabes sunnís e que dimpués se quedoron e apoyoron a los [[Dinastía Omeya|Omeya]]s.

 

*L'arabe ye fazil d'aprender pa os parlants d'arameu por estar tamién [[luengas semiticas|semitico]]

*A sobén en o mundo islamico a islamizazión en l'aspecto relichioso ha significato arabizazión en l'aspecto lingüistico por estar l'arabe a unica luenga de l'[[Alcorán]]. Esto mesmo s'ha desbenito con a islamizazión-arabizazión de berbers, os coptos e os nubios.