Diferencia entre revisiones de «Prunus dulcis»

L''''almendrera''' (''Prunus dulcis'' <small>([[Phillip Miller|Mill.]] et [[David Allardyce Webb|D.A.Webb]])</small>) ye un [[árbol]] [[árbol caduzifolio|caduzifolio]] que puet fer enta 10 m d'altaria, con o tranco liso, berde u marronoso cuanquan ye choben, que se torna griso u més fusco e sulcato cuanquan se fa biello. As [[fuella]]s son simples, con es cantos u ripas dentatos, con flors indibiduals u fendo grupez de 2 a 4, con estrutura pentamera, de color blanca u rosadeta seguntes qué bariedat, e 3-5 cm de diametro. A [[fruita]] que fa no ye si que l''''almendra''', clasicament una [[drupa]] de 3-5 cm de lonchitut, con l'[[exocarpo]] e ro [[mesocarpo]] bastos e fibrosos, e l'[[endocarpo]] bien duro. A forma regular de l'almendra a l'árbol ye oblonga u elipsoidal, de color berda e tomentosa, que se torna més fusca en ixucar-se (per l'[[agüerro]], 9 meses dimpués de fer a flors).

As [[radiz|benas]] d'istes árbols se fan fundas e n'ixan [[augua]] d'es terrenos més xucos sines de guaire problema, razón per a cual se gosaba a plantar-los en terrenos de secán e [[marguin]]s a on que altras espezies eban de tener complicazions ta subsistir. A plantada de l'almendrera ye complicada, pos encara que naixen a escape d'as almendras sembratas, as bariedaz bien produtibas son tammién, de regular, as més sensibles e deficultosas de fer escapar en terrenos duros. Ta solbentar-lo, se gosan a plantar enna tierra es [[piet (botanica)|piez]] d'una bariedat més borde, ta que s'embenen enna tierra, e cuanquan son medratas, se-les mete corte, e se-bi empeltran as partis aerias d'a bariedat quiesta. l'empeltre de l'almendrera ye de tot emplegato con altras espezies de frutieros, espezialment con [[espezie]]s d'o mesmo [[chenero (biolochía)|chenero]] ''[[Prunus]]'', pos asinas se fa probeito d'a capazidat d'es piez d'ésta ta fer bibir as partis superior d'altros arbols en suelos defizils.