Diferencia entre revisiones de «José de Palafox y Melci»

Como [[Zaragoza]] yera una ziudat fortificata as suyas esfensas yeran pocas e antigas, e a más bi eba poca [[munizión]]. As esfensas resistioron, pero poco tiempo. Manimenos, estió dende l'inte cuanquan prenzipió a resistenzia d'a ziudat. Una semana de luitas en as carreras fazió que as tropas [[Francia|franzesas]] preneran meya ziudat, pero lo chirmán de Palafox consiguió aforzar a suya dentrata en a ziudat con 3000 ombres. Alentatos por as clamatas de Palafox e os liders d'o pueblo, os abitants dezidioron resitir metro a metro a la presa d'os bicos que encara teneban en o suyo poder. A ideya yera retirar-se a lo bico d'o [[Rabal (Zaragoza)|Rabal]], a l'atro canto de l'[[Ebro]], si yera menester, destruyendo lo puent en caso estremo. A luita, que continó nueu días más, remató con a retirata d'as tropas franzesas o [[14 d'agosto]], dimpués d'un [[setio]] que eba durato 61 días en total.

Palafox miró d'aprobeitar la situazión e reyalizó una chicota campaña a campo ubierto. Pero cuanquan o exerzito d'o mesmo [[Napolión Bonaparte|Napolión]] dentró en [[Espanya]] e prenzipió a ganar [[batalla]]s, Palafox abió de retirar-se ta [[Zaragoza]].

En [[Zaragoza]] s'enfrentó a un segundo setio encara más eroico que o primer. O setio remató dimpués de tres meses con a cayita de Zaragoza en mans [[Francia|franzesas]]. A ziudat cayó nomás cuanquan s'aturó a resistencia, ya que yera en ruinas e a luita e as [[malautía]]s eban reduzito a menos d'a metat a la poblazión. A capitulazión se reyalizó con a oposizión de Palafox, que yera malauto.

Dimpués d'o setió le s'engarcholó en Francia, en [[Vincennes]], e no podió tornar ta [[Espanya]] dica [[abiento]] de [[1813]], cuanquan se siñó lo [[tractato de Valençay]]. En [[chunio]] de [[1814]] fue restaurato en as suyas funzions como capitán cheneral d'[[Aragón]], pero se retiró poco dimpués e dixo de partizipar en a vida publica.