Diferencia entre revisiones de «Estiva»

Una '''estiba''' (d'o [[Idioma latín|latín]] ''aestīvus'', «estibal, propio d'o berano»; en [[Grafía SLA|grafía etimolochica]], '''''estiva''''') ye un [[prato]] d'[[alta montaña]] de relieu poco abrupto, con cantimplanos a embutes u lo menos, sin de guaires baixants, que a sobén mantiene-i una bechetazión de yerba baixa e [[bellueca]]s dica en puestos a on esta no i sería la más faboreixita ecolochicament, e ixo ye en resulta d'a pastura cutiana d'o [[bestiar]] domestico que i consume as plantetas d'[[árbol]]s e [[matigal]]s superiors d'antes que creixcan prou. Ixe paisache d'as estibas forma un ecosistema artifizial mantenito per l'ombre per muitas chenerazions, dica l'estremo que cuanquan os [[lugar]]s u as atibidaz ganateras que las manteneban s'albandonan, a bechetazión local d'árbols e arbustos gosa tener problemas ta repoblar-las.

As estibas yeran prenzipals en a cultura ganatera d'as cordeleras europeyas, como os [[Perineu]]s u os [[Alpes]], pos daban pastura ta lo bestiar e tamién riqueza ta's lugars que rezibiban as [[ramata]]s [[transuanzia|transuants]] d'altros puestos, cuanquan beniba lo temper buen. En l'[[Alto Aragón]], o bestiar se gosaba soltar ta puerto (ixo ye, la dita ''soltada'') en as zaguerías de [[mayo]] u primers de [[chunio]], e se feba replegar ta baixo alabez ta ''[[1 de nobiembre|todos santos]]'' (en primeras de [[nobiembre]]).