Diferencia entre revisiones de «Esquí»

A prautica d'o esquí en [[Aragón]] data de primerías d'o [[sieglo XX]], cuanquan un grupo de pioners, prenzipalment zaragozans prenzipian a esquiar arredol d'o refuchio de montaña de ''Santa Cristina'' en [[Candanchú]]. En istos primers años d'esquí en Aragón l'autibidat yera muit ligata a la asoziazión de Montañers d'Aragón.

Asinas pues, cuasi dica os [[decada de 1960|años 1960]] a prautica d'o esquí en o país se zentra más que más en a estazión de Candanchú en o municipio [[Alto Aragón|altoaragonés]] d'[[Aísa]]. Por ixas embueltas no bi eba nian remuntes mecanicos, manimenos la estazión la prenzipiaba a fer-se famosa, tenendo a besita d'o rei de Siam ya en os [[decada de 1920|años 1920]]. Más tardi prenzipioron a construyir-se as instalzaions oteleras, feito que fazió que Candanchú prenzipiase a crexer. A más contrebuyó a lo conoximiento d'a estazión a Escuela Melitar de Montaña, con seu en [[Chaca]], cuanquan prenzipió a emplegar las instalazions en os suyos cursos d'esquí.