Diferencia entre revisiones de «Chenocidio armenio»

* A primera fase estió cuanquan o zaguer [[soldán]] otomán [[Abdul Hamid]], que nimbió a los [[hamidiye]] kurdos e se calcula que morioron 300.000 armenios.

* A segunda fase estió cuanquan a I Guerra Mundial baxo o mandato d'o gobierno d'os [[Chobens Turcos]], encara que s'estima que a mayor parte d'as mortaleras estioron obra d'os guerrillers [[kurdos]]. Se calcula que as bitimas estioron entre 600.000 e 800.000. Tipicament mataban a los ombres en as casas e deportaban a las mullers e ninas, a las que feban andar dica ta desiertos d'o sur, e si no moriban de camín u yeran raptatas de camín, remataban morindo de [[fambre]] e [[sete]]. Tamién i eba [[campos de conzentrazión]] on moriban os armenios por maltratos u de fambre, como un que liberoron os franzeses en o suyo abanze por [[Siria]].

* A terzera fase ye menos documentata, os armenios encara denunziaban o chenozidio en as primeras decadas de mandato de [[Mustafa Kemal]], cuanquan [[Anatolia]] Oriental quedó sin poblazión armenia, por refuchiar-se en l'Armenia oriental.

En os tiempos d'as dos zagueras fases tamién os azerís feban mortaleras, encara que en menor mida, por tener menos meyos, e tamién i abió muitos zebils armenios muertos cuanquan a guerra con [[Cheorchia]].

O chenozidio armenio quedó sin castigo internazional, e os terroristas armenios se prenioron a chustizia por a man suya. O chenozidio armenio inspiró a los [[antisemitismo|antisemitas]] alemans que fer con a minoría chodiga. [[Hitler]] mesmo dizió a famosa frase "qui se’n alcuerda agora d’os armenios". Alemanya e as potenzias de l’exe que colaboraban en o chenozidio chodigo creyeban que a soluzión final cuanquan a Guerra yera una oportunidat d’acotolar a minoría chodiga e que dimpués no i abría garra consecuenzia e dengún no se'n alcordaría.