Diferencia entre revisiones de «Aimants de Teruel»

En os primers anyos d'o [[sieglo XIII]] viviban en a ciudat de Teruel Juan Diego de Marcilla y Isabel de Segura, cuala temprana amistanza se tornó luego en aimor. No quiesto por a familia d'Isabel, debito a que no teneba prous biens materials, o pretendient consiguió un plazo de 5 anyos ta enriquir-se. Asinas, pues se'n fuó ta la guerra y tornó ta Teruel chusto cuanquan s'heba rematato lo plazo. Por ixas envueltas, Isabel ya yera muller d'un chirmán d'o sinyor d'[[Albarracín]]. A tamas d'iste feito, Juan Diego consiguió veyer a Isabel en a su casa y le pidió un beso; ella lo se negó y allora o choven morió de dolor. A lo día siguient se facioron os funerals d'o choven en Sant Per; entonces, una muller vestita de luto s'amanó ta l'atabul: era Isabel, que quereba dar a lo defunto lo beso que le negó en vida; a choven posó los suyos labios sobre os d'o muerto y de golpe cayó muerta chunto a él.