Robín

O robín (d'o latín rubīgo, -ĭnis) ye a substancia de color marrón-royenca que se forma quan os compuestos que contienen fierro se robinan en presencia de dioxichén u d'augua. Ye una reacción d'oxidación lenta que produce a formación d'oxidos u hidroxidos mas u menos hidratatos y mal cristalizatos, a on que o mas estable ye a hematita.

Una puerta de fierro enrobinata

O robín ye alavez una mezcla compleixa composata d'oxidos y hidroxidos de fierro.

O fierro metalico, obtenito a traviés d'un tractamiento (reducción) d'o mineral royo que contiene os oxidos de fierro, en os altos furnos, tiende a tornar a o estato oxido quan se expone a l'aire u l'augua.