Diferencia entre revisiones de «Wikipedia:Uso d'a luenga/Lexico»

::: Ta yo, ye esclatero que cal homocheneizar tot o que sigan neolochismos, y tot o que afecte a títols d'articlos y categoría, que ye o prencipal problema que podemos tener. O que yo quereba decir, que en os casos de "parolas patrimonials" (nomás ixas), no pasa cosa porque convivan variants foneticas (de tipo mesache - misache u caixico - caixigo) u trigas lexicas (mirallo-espiello, clamar-decir, a ormino - a sobén). Ixo sí, siempre que 1) sían patrimonials, no pas os neolochismos, que en ixos cal tener una forma unica, 2) sían documentadas, en aragonés dialectal u meyeval, y no sían castellanismos (l'aragonés literario d'istos zaguers anyos no valdría como fuent en iste caso) 3) que sigan extendius os dos, porque entre una variant mayoritaria (que no sía fruito d'a castellanización) y un localismo, hemos de trigar siempre a mayoritaria (fueras d'un articlo con marca dialectal d'ixe dialecto). Os emplegos incorrectos, concieteros y ultralocalismos prou que cal fer-los fuera d'a biqui a man u con o bot, pero en os casos que se cumplan os tres criterios anteriors, y dica que no tiengamos una luenga estándar más acceptada no veigo mal de tot que se veigan parolas en o cuerpo d'os articlos con dos variants correctas y muit emplegadas, encara que pueda tener bell problema, como diz Manuel. Ta belún que aprende aragonés, tamién ye bueno de trobar-se con istas variants, porque a luenga ye asinas (mesmo en bells casos se documenta que un mesmo charrador emplega todas dos variants en a mesma charrada). Asinas se leye un aragonés más ubierto y completo (y más amanau a la suya realidat), encara que pueda fer-se difícil ta os que prencipean. Dito ixo, que quede claro que soi d'acuerdo con estandarizar tot o que se pueda a luenga d'a biqui, pero ye millor de prencipiar con os casos claros de neolochismos, variant mayoritaria vs localismo, variant historica vs castellanizada, y sobre tot, como diz Will, a sintaxi, cal homocheneizar a sintaxi y emplegar siempre as construccions sintacticas de l'aragonés eliminando totz os castellanismos sintacticos.--[[Usuario:Juanpabl|Juan Pablo]] 10:41 5 oct 2010 (UTC)

::::(tercer conflicto d'edición...XD...) Y me cuacan muito istos comentarios de Lascorz, que van en o mesmo sentito de reflexions que se facioron fa un sieglo quan se feba o standard d'o catalán. Encara se puet veyer en o rete reflexions d'ixas envueltas sobre si l'emplego d'a palabra "barco" en catalán yera u no correcta, por creyer-se que yera amanata d'o castellán. Quan se fa un standard bi ha dos qüestions a on cal parar cuenta: a necesidat d'una standarización y a necesidat de mantener unas variants locals, que en dentrar a formar parte d'o standard pueden esdevenir chenerals, anque en os suyos alazetz no en yeran. Un exemplo concreto: si se fa un articlo largo cal, por necesidatz literarias, emplegar sinonimos ta describir a mesma realidat (exemplo, emplego simultaniament de "anque" y "encara que", ta no repetir mil vegatas a mesma palabra en un texto largo, cosa que se fa en iste comentario como exemplo), encara que provengan de solucions dialectals aragonesas diferents, integrando-las en un mesmo estandard. Ye un empobrimento lingüistico decantar-se por una u atra d'as variants en forma exclusiva, dixando a banda l'atra variant (y mas encara quan se fa decindo que "anque" parixe a o castellán "aunque", seguindo os razonamientos de Lascorz), en ixo soi d'alcuerdo de raso (reservando a decisión definitiva de l'Academia en o caso que considerase scientificament que ye una variant purament dialectal y que por ixo no fa parte de l'aragonés standard). Pero ixo ye diferent quan parlamos de solucions graficas, a on estoi que cal optar por una u otra variant, encara anque no somos nosotros qui hemos de decidir-ne a solución, sino una vegata mas l'Academia, tamién en ixo bi ha coincidencia de raso con Lascorz. Sindembargo, un matiz: sí ye important privilechiar as formas mas esferenciatas d'o castellán, chustament en estar l'aragonés una luenga muit castellanizata; pero ixo no quiere decir albandonar y no fer-ne emplego d'as palabras que tengan una relación etimolochica proxima a lo castellán (exemplo, yo emplego asobén "fer emplego" u "emplegar" en cuentas de "usar", encara que estoi que ambas son correctas, pero en un texto largo usaría "usar" ta alternar-ne l'uso...). --[[Usuario:Manuel Trujillo Berges|Manuel Trujillo Berges]] 10:45 5 oct 2010 (UTC)