'''Josef (Iossif) Vissarionovitch Djougachvili''' (en [[Idioma ruso|ruso]]: [[Media:ru-Stalin.ogg|Иосиф Виссарионович Джугашвили]]; en [[Idioma cheorchián|cheorchián]]: იოსებ ბესარიონის ძე ჯუღაშვილი ''Iosseb Bessarionis dze Djoughachvili''), naixito de [[Gori]] ([[Cheorchia]], [[Imperio ruso]]) o [[18 d'abiento]] de [[1878]] (ofizialmentoficialment o [[21 d'abiento]])<ref>Encara que bi ha informazions contraditorias en as fuents sobre a calendata de naxenzia de Stalin, o rechistro de naxenzias d'a ilesia d'[[Uspensky]] en [[Gori]] fa menzión d'a naxenzia d'Iosif Djougachvili o [[18 d'abiento]] de [[1878]] (6 d'abiento en o [[calendario chulián]])[http://state.rin.ru/cgi-bin/persona_e.pl?id=4140&id_subcat=6&r=8]. Ista calendata ye tamién en o suyo diploma escolar, en a suya ficha signaletica d'a Polizía zarista, en un chudizio por una detenzión o 18 d'abril de 1902 en a cual diz que tien 23 añadas, y tamién en toz os decumentos anteriors a la [[Revolución rusa]]. O propio Stalin diz que ye naixito o 18 d'abiento de 1878 en un ''curriculum vitae'' escrito d'a suya propia man en 1921. Sindembargo, dende [[1922]], se cambeya ista calendata de naxenzia ta o [[21 d'abiento]] (9 d'abiento en o [[calendario chulián]]), que será a calendata d'a zelebrazión d'a suya naxenzia en a [[Unión Sobietica]]. O dramaturgo [[Edvard Radzinsky]] suchiere que iste cambeyo s'eba produzito ta que a zelebrazión d'o 50 anibersario de Stalin se faziese en tot o país, encara que no se fazió porque o suyo poder no yera encara prou consolidato en 1928. Antiparte, en a suya obra ''Staline'' (Éd. Fayard, 2001), o istoriador [[Jean-Jacques Marie]] diz que Stalin ya eba modificato a suya calendata de naxenzia antis más de [[1914]].</ref>, fillo d'un [[cheorchians|cheorchián]] e una [[osetas|oseta]] y muerto en [[Moscú]] ([[Unión Sobietica]]) o [[5 de marzo]] de [[1953]], y más conoxito con o suyo seudonimo de '''Stalin''' u '''Josef Stalin''' (d'o ruso сталь, [[azero]]), estió un [[politico]] [[Comunismo|comunista]] d'a [[Unión Sobietica]], ditador d'o país dende os [[años 1920]], luego de la muerte de [[Lenin]], dica a suya muerte.
