Diferencia entre revisiones de «Canabla»

Mutas canaulas tienen debuixos treballatos d'antes más, prou per es [[amo]]s belas begatas, u per as mullers d'a casa, es cuals teneban significatos pardiculars cuasi siempre relazionatos con a suerte, a prebenzión de [[maloltía]]s d'as bestias e d'os suyos propietarios, u tamién con a [[esconchura]] (espantar as bruixas) d'as casas. Bels simbolos que se i beyen a sobén d'entre ixas representazions son os "''[[cuatrefuella|cuatre-fuellas]]''" u [[cuatrifolio]]s, muit relazionatos dend'os tiempos d'antes con a buena suert en as arias [[perineus|perinencas]]. Altras representazions fan referencia d'os propietarios de l'animal u son només motibos ornamentals tals como [[flor]]s, zianefas, u encara prou bels motibos esprituals como cruzes u crismons.

 

O feito que cada begata sigan menos os animals que chentan libres en as montañas ha feto que la tradizión de treballar as canaulas s'haiga perdito d'á priesas en as zagueras decadas; per ixo, en mutos lugars no s'emplegan mica ya las biellas canaulas de fusta si que han estato sustituyitas per altras més nuebas, fetas de [[cuero]] u [[plastico]], que s'acoplan en o cuello d'os animals tal si que estasen zinturons.