Diferencia entre revisiones de «Almuades»

En reyalidat ye un feito constant en la Istoria de l'[[Islam]] que dezaga d'un mobimiento integrista en bien atro de nuebo cuan se relaxa lo que i eba enantes. A los mezmuz los seguirían los [[Benimarins]]. Ye lo que [[Marvin Harris]] clama una ''rebitalizazión relichiosa'', u cuan una relichión como estituzión se rebiscola como respuesta a demandas sozials.

[[Imachen:Mapa reconquista almohades.svg|thumb|250px|left|Mapa amostrando l'aria baxo control de los mezmuz en la peninsula Iberica e las rotas d'ataque dende [[Reino de Castiella|Castiella]] (C) e [[Corona d'Aragón|Aragón]] (A). Tamién pueden beyer-sen lo reino de [[Portugal]] (P), [[Reino de Lión]] (L) e [[Reino de Navarra]] (N)]]

 

En l'[[Al-Andalus]], los musulmans natibos u [[muladins]] no yeran d'alcuerdo con las dotrinas integristas de los [[Almorabez]] u de los Mezmuz, pero a begatas las zercustanzias los feban aliniar-sen con ellos contra un enemigo común. Cuan los mezmuz sustituiban a los almorabez en lo dominio de [[Berberia]] lo [[rei Lop]], un rei taifa de [[Taifa de Murzia|Murzia]] que no yera ni [[arabe]] ni [[berber]], sino muladín, consiguió dominar la més gran parte de lo sudeste de la Peninsula Iberica e resistir por muito tiempo l'abanze mezmut.