Diferencia entre revisiones de «Reino visigodo de Tolosa»

2015 bytes añadidos ,  hace 9 años
 
No se sabe si tota a provincia Tarraconense se sozmetió con rapidez (con la mencionata resistencia en Tarraco y talment en bellatras zonas), pero lo feito cierto ye que en l'anyo [[506]] escara se luitaba pa ocupar [[Tortosa]]. No se sabe si fue presa inicialment Tortosa y dimpués se rebeló con enchaquia de lo repartimiento de tierras, u por contra la resistencia de los hispanorromans fue desplazando-se enta o sur, buscando como defensa l'Ebro. Dirichiba la resistencia un hispanorromán dito Pero, a qui li atorgan o títol de ''tiranus'' (tirán, ye dicir, qui se titula rei sin títol legal pa estar-ne), y esta titulación suchiere que Pero s'habría proclamato sobirán con enchaquia de la extinción de lo Imperio y enantes de la entrata de los visigodos (y en tot caso habría succedito a un emperador u linia d'emperadors proclamatos en la Tarraconense dende ixa calendata), encara que no sabemos si se proclamó solo que en la redolata de Tortosa u las suyas pretensiosn abrazaban tota la provincia, estando la mencionata ciudat lo suyo zaguer bastión. Pero fue vencito y muerto en l'anyo 506 y la ciudat de Tortosa ocupata, con lo que los visigodos dominaban ya tota la Tarraconense.
 
Gauterico conquirió la Tarraconense oriental y probablement arribó en la [[Lusitania]], que se suposa que yera disputata tamién por los [[suevos]], y que amenazaban la retaguardia visigoda por las calzatas romanas que iban dende [[Braga]] a [[Cesaraugusta]] (continando enta [[Tarraco]]) pasando por [[Asturica]], [[Virovesca]], [[Tritium]], [[Vareia]] y [[Calagurris]], y por la que iba dende ''Ocelum Durii'' dica Cesaraugusta pasando por Abucella, [[Clunia]], [[Uxama]], [[Turiasso]] y Belsione u Belsinum u Balsio, seguindo en termins chenerals la linia de lo [[Duero]]. Probablement entre lo [[480]] u [[481]] y lo [[490]] la zona central d'Hispania yera disputata por los visigodos y los suevos, consiguiendo los primers un dominio inestable. Pareixe que los visigodos atacoron sin trobar guaire resistencia y podioron dominar tota la Cartachinense enantes de lo [[483]], y tamién tota u part de [[Lusitania]]. Lo [[483]] lo visigodo Salla y lo bispe de [[Merida]] Zenón reconstruyoron un puent román sobre lo Guadiana en la ciudat de Merida (Emerita Augusta), capital provincial de Lusitania (que con Requiario heba estato la capital de lo [[reino de los Suevos]]), de seguro dimpués d'un perioro de luitas entre visigodos y suevos, de bandidache y de gobierno poco eficaz de los propietarios locals; esta inauguración demostraría que lo dominio visigodo quedaba bien asentato, y que talment no yera mal acollito por la población. Lo dominio visigodo en la Betica por ixa mesma epoca no ye seguro y no ye documentato.
 
Simultaniament (periodo [[476]]- [[510]], encara la más gran part de la emigración arribó entre l'anyo 490 y l'anyo 510), un lumero relativament important de visigodos colonizó las tierras entre lo [[Tacho]] y lo [[Duero]], y en la muga de Galicia, (en poder de los suevos), y la [[Val de l'Ebro]]. En esta rechión s'han excavato lumerosas necropolis godas y probablement lo porcentache de población goda estió més alto que en las atras tierras de la peninsula iberica.
 
[[Categoría:Visigodos]]
66 130

ediciones