[[Imachen:Betacisme al País Valencià.png|thumb|right|Isoglosas d'o betazismo en a comunidat autonoma d'o [[País Valenciano]].]]
O '''betazismo''' ye un fenomeno lingüistico, carauteristico sobre totsobretot d'as [[luengas romanzes]] occidentals, que consiste en a neutralizazión d'os fonemas /b/ y /w/~/v/ a fabor d'a /b/. O fenomeno prenzipió en o [[latín bulgar]] d'[[Italia]], anque s'estendilló solament en as [[luengas romanzes]] [[Peninsula Iberica|ibericas]], l'[[Idioma occitán|occitán]] y lo [[Idioma sardo|sardo]]. Bels lingüistas [[Espanya|espanyols]] atribuyen iste fenomeno a lo sustrato [[Idioma basco|basco]], porque en basco no bi ha un fonema /v/ ni /w/. Altros lo consideran una evolución propia dende o latín bulgar, por as pocas diferenzias acusticas que bi ha entre las consonans /b/ y /w/ ta un fablán no muito culto.
Reyalment se tratatracta de dos fenomens diferens. Primero a conbersión d'a /b/ interbocalica en una fricatiba, anque ista evolución ye cheneral en todas as [[luengas romanzes]] (eixemplo: CANTABAM > [[Idioma italián|italián]] y [[Idioma portugués|portugués]] ''cantava''). Segundo, a neutralizazión en posizión inizial d'a /b/ y la /w/ en /b/, que podeba ser probocata por o primer fenomeno. Iste zaguer ye carauteristico nomás en as luengas ibericas (eszeuto o [[Idioma portugués|portugués]]), en l'[[Idioma occitán|occitán]] zentral y occidental, y en o [[Idioma sardo|sardo]]. Anque tamién bi ha eixemplos d'iste tipo de betazismo en o [[Idioma rumán|rumán]]: VETARANUS > ''bâtrăn''.
