A ciudat de Zaragoza yera una posición estratechica sobrebuena, bien protechida por una important guarnición [[Isabel II d'Espanya|isabelina]]. Sin d'embargoSindembargo, una gran parte d'a guarnición se trobaba difuera de Zaragoza en febrero de 1838 ta reforzar un eixercito que heba de zarrar o paso enta o [[Mayestrato|Mayestrau]] a la espedizión de [[Basilio García]], que en ixas envueltas se trobaba en [[A Mancha]], an que heba estau esbarrada cuan pretendeba unir-se con a de [[Ramón Cabrera|Cabrera]]. As noticias de que a guarnición que remaniba en Zaragoza yera cuasi nula, plegón ta Cabrera, e iste nimvió a [[Juan Cabañero y Esponera]] a asaltar a ciudat con dos mil ueitocientos [[Infantería|infants]] y trecientos hombres de [[caballería]], con intinción d'espullar-la más que no d'ocupar-la, pos ixas tropas no li hesen premitiu d'esfender-la dimpuesas.