Diferencia entre revisiones de «Sus scrofa scrofa»

O costumbre de bañar-se ye important ent'a ecolochía d'a [[espezie]], e se considera que tien dibersas funzions; D'una man aseguran a regulazión termica d'o cuerpo de l'animal, perque es chabalins no pueden pas sudar perque mancan-les as [[glandula sudoripara|glandulas sudoriparas]], e tamién se considera que es baños en o fango tienen importants implicazions ent'as relazions sozials d'a espezie, plegando t'a més important implicazión en referencia ent'a [[seleuzión sexual|selección secsual]], a on que, seguntes el que se-en conox, as pilonas las emplegan toz es chabalins a mientres toda l'añada, en plegar o [[zelo (etolochía)|zelo]] as balsetas las emplegan només que es masclos adultos, asinas s'ha considerato que es baños pueden estar durantes d'ixe periodo binclatos con a persistenzia d'olors corporals. Per el regular, a presenzia de fango a l'alto d'a piel els proteche d'es inseutos e d'es parasitos cutánios.

O chabalín durantes d'o diya ye regularment sedentario, encara que a ra nueit puet fer grans distanzias que bailan d'es 2 enta es 14 km de camín, a paso cruzato u trote lebero (J. Reichholf, 1995), a mientres que en fuyir puet pretar una galopada rapida que no dura pas guaire, que no ye guaire resistent.

A mientres o periodo de zelo, d'entre [[nobiembre]] e [[chinero]], o chabalín masclo mira as fembras que sían rezetibas ta cubrir-las con tanta d'esma que a sobén s'oblida de minchar. En trobar una porcada, n'enzata ra conquiesta enrestindo es fraixencos naixitos de l'año anterior, que de l'inte han d'ixopar-se, e cuan cal tamién se concara con altros masclos adultos prebando de conseguir o més gran numbro de cutas que puet. Es arens cheneralment encluyen dos u tres fembras, anque ocasionalment se n'an bisto que en teneban dica güeito.