Diferencia entre revisiones de «Emprenyatura»

2 bytes eliminados ,  hace 10 años
replaced: mientres d' → mientres
m (robot Añadido: si:ගැබිණී)
(replaced: mientres d' → mientres)
A '''empreñatura''' '''preñau''', '''preño''' u '''chestazión''' se refiere a lo prozeso posterior a la [[fecundazión]] d'un [[obulo]] por o [[espermatozoide]], por o cualo se dembolica un nuebo indibiduo d'a espezie aintro d'o cuerpo d'a mai, dica l'inte d'o [[parto]]; fa referencia a iste periodo de tiempo entre a fecundazión e o parto. Encluye toz os prozesos fisiolochicos de creximiento e desembolique d'o feto en o interior de l'utero materno, asinas como os importants cambeyos fisiolochicos, metabolicos e morfolochicos que se produzen en a muller ta protecher, nutrir e premitir o desembolique d'o feto, como a interrupzión d'os ziclos menstruals, u l'aumento d'a mida d'as mamas ta preparar a lactanzia.
 
Tienen empreñatura toz os [[mamifero|mamifers]] e, por tanto tamién os [[ser umá|sers umans]]. En a espezie umana as chestazions gosan estar unicas, encara que pueden produzir-se empreñaturas moltiples. L'aplicazión de tecnicas de reproduzión asistita ye fendo puyar a inzidenzia d'empreñaturas moltiples en os países desembolicatos.<ref>A inzidenzia d'empreñaturas moltiples en a poblazión cheneral ye d'un 1,5%. En tecnicas de fecundazinó asistita puet gosar estar 20%. Luis E. Tsng; Juan F. Mere. ''Ginecología y Obstetricia''. Vol. 42, núm. 3, abiento de 1996</ref> O [[Determinazión d'o secso|secso d'o nuebo indibiduo]] biene determinato por una combinazión chenetica d'a parella de [[cromosoma]]s secsuals, seguntes cuala sía la copia transmesa a lo espermatozoide mientres d'a [[meiosis]].
 
A empreñatura umana gosa durar nueu meses u belas 40 semanas dende o primer día d'a zaguera menstruazión; u 38 dende a fecundazión (alto u baxo bels 9 meses). Se considera que a chestazión u empreñatura prenzipia chusto dimpués d'a [[fecundazión]] de l'obulo e a implantazión d'o [[embrión]] e a [[utero|matriz]]. O primer trimestre ye l'inte de mayor riesgo d'alborto espontanio; o prenzipio d'o terzer trimestre se considera o punto de biabilidat d'o feto, aquel punto dende o cualo puet sobrebibir difuera de l'utero sin de soporte medico. L'[[alborto]] ye a entorruzión d'a empreñatura, en o lapso que ba dende a conzezión dica o prenzipio d'o [[naximiento]], bien sía de traza boluntaria u por causas naturals u de malautía. Se diz microalborto a lo impedimento d'o desembolique d'o [[embrión|preembrión]] umán e a suya consecuent muerte.
44 227

ediciones