Diferencia entre revisiones de «Anarcosendicalismo»

{{Grafía_87}}

L''''anarcosendicalismo''' ye una d'as brancas de l'[[anarquismo]] binclata a lo [[mobimiento obrero]] a trabiés d'o [[sendicalismo]]. Ye un metodo d'organizazión y de luita d'os [[treballador]]s a trabiés de [[sendicato]]s independients d'o poder politico. Ye lo resultato d'a sintesis de l'anarquismo y l'azión sendical reboluzionaria. Ye diferent d'atros mobimientos anarquistas en que lo suyo ambito d'autuazión carauteristico (encara que no esclusibo) ye o mundo d'o [[treballo]], complementando-se con atras organizazions d'ideyolochía parellana t'a consecuzión d'as fins soniatas.

 

 

O suyo obchetibo ye a conquiesta per parti d'os treballadors d'os meyos de produzión y cambeo y a reorganizazión d'a soziedat seguntes os [[Federalismo|prenzipios federalistas]] y d'a [[democrazia dreita]], autochestionando toz os tarabidatos sozials y economicos per parti d'os mesmos treballadors. Ye per ixo que l'anarcosendicalismo ye radicalment diferent de cualsiquier atro modelo d'organizazión imboluntaria u zentralista, como o [[capitalismo]] y a [[estato|organizazión estatalista]] u estatismo. A ista ideya se la conox como [[autochestión]].

 

 

Os suyos prenzipios alazetals son: o [[federazión|federalismo]], l'[[autochestión]], l'[[azión dreita]], o [[refirme mutuo]], l'[[anticapitalismo]] y o [[internazionalismo]].

[[simple:Anarcho-syndicalism]]

[[sk:Anarchosyndikalizmus]]

[[sv:Anarkosyndikalism]]

[[tr:Anarko-sendikalizm]]