Arquimedes morió mientres d'o [[setio de Siracusa]] (214-212 aC), cuan fue asasinato por un soldato román, a tamas d'as ordens de que no eban de fer-le mal. [[Zizerón]] describe aber besitato a sepoltura d'Arquimedes, que teneba una [[esfera]] inscrita aintro d'un [[zelindro]]. Arquimedes prebó que a esfera tien dos terzios d'o [[bolumen]] e d'a [[superfizie]] d'o zelindro (encluyendo as bases d'iste), lo que consideró lo más gran d'os suyos descubrimientos matemáticos.
ÁA esferenzia d'os suyos imbentos, os escritos matematicos d'Arquimedes no estioron muit conoxitos en l'antigüidat. Os matematicos d'[[Alexandría]] lo leyoron e zitoron, pero a primera replega comprensible d'os suyos treballos estió feita por [[Isidoro de Mileto]] (530 dC), mientres que estioron as cronicas d'as obras d'Arquimedes escritas por [[Eutozio]] las que l'ubrioron a un publico más amplo. As relatibament pocas copias de treballos escritos por Arquimedes que sobrebibioron a trabiés d'a Edat Meya estioron una important fuent d'ideyas mientres d'o [[Renaximiento]],<ref>{{en}} [http://www.sciencelive.org/component/option,com_mediadb/task,view/idstr,CU-MMP-PiersBursillHall/Itemid,30 Galileo, Archimedes, and Renaissance engineers]. Bursill-Hall, Piers. Sciencelive with the University of Cambridge</ref> mientres que o descubrimiento en [[1906]] de treballos desconoxitos d'Arquimedes en o [[Palimpsesto de Arquimedes]] ha aduyato a comprender como otenió los suyos resultatos matematicos.<ref>{{en}} [http://www.archimedespalimpsest.org/palimpsest_making1.html Archimedes - The Palimpsest] Walters Art Museum.</ref>
