'''Billamayor de Mon Chardín''' ('''Villamayor de Mont Jardin''' en [[grafía SLA]]) (''Villamayor de Monjardín'' en [[idioma castellán|castellán]]) ye un municipio de [[Navarra]] situato áa 53 km de [[Pamplona]]. La suya poblazión ye de 140 abitants ([[2005]]), en una superfizie de 13,1 km² y una [[densidat de poblazión]] de 10,69 hab/km².
== Istoria ==
La istoria de lo municipio ye ligata áa lo [[Castiello de San Esteban de Mon Chardín|castiello]] situato en la parte alta de lo lugar. Lo castiello estió un gran bastión contra los moros, y lo prenió lo rei don [[Sancho Garzés I]] en l'año [[908]], car ya yera una fortaleza en lo [[Al-Andalus|periodo musulmán]]. Lo rei Sancho II lo donó áa lo [[Monesterio d'Irache]], pero pasó más tarde áa la [[Seu de Pamplona]] por donazión de [[Sancho lo Mayor]].
Dimpués de la imbasión castellana amanix como propiedat de lo [[Duque d'Alba]], talment como premio áa lo suyo triballo melitar. En las [[guerras carlistas]] lo ocupaban áa begatas los carlistas e a begatas los isabelins.
== Nombre ==
Lo nombre fa refenzia áa lo [[Castiello de San Esteban de Mon Chardín]], zentro neuralchico de la [[Tierra Estella]], clamata ''Tierra de Deyo'' en la [[Edat Meya]].
La primera referencia áa Billamayor ye de lo [[sieglo XIII]] como ''Villa Maior''. Como bi ha muitas billas clamatas ''Villamayor'' lo [[18 de febrero]] de [[1908]] la ''Real Sociedad Geográfica'' li añadió por acuerdo lo nombre de lo bizin mon clamato ''Monjardín'' en [[idioma castellán|castellán]], mon que enantes se clamó ''Mont Chardín'' y ''Deyo''.
