Diferencia entre revisiones de «Teoría de conchuntos»

O conzeuto de conchunto ye intuitibo e poderba definir-se como una "colezión d'ochetos"; asinas que, se puet parlar d'un conchunto de presonas, ziudaz, gafas, lapizeros u d'o conchunto d'ochetos que bi ha en un inte denzima d'una mesa. Un conchunto ye bien definito si se sape si un determinato elemento pertenexe u no áa lo conchunto. O conchunto d'os boligrafos azuls ye bien definito, porque en beyer un boligrafo se puet saper si ye azul u no. O conchunto d'as presonas altas no ye bien definito, ya que en beyer una presona, no siempre se puet dezir si ye alta u no, u puet aber distintas presonas, que opinen si ixa presona ye alta u no'n ye. En o sieglo XIX, seguntes Frege, os elementos d'un conchunto se definiban nomás por una u atra propiedat. Autualment a tioría de conchuntos ye bien definita por o sistema [[Acsiomas de Zermelo-Fraenkel|ZFC]]. Manimenos, contina estando prou conoxita la definizión que publicó Cantor:

{{Cita|Se entiende por '''conchunto''' áa l'agrupazión en un tot d'ochetos bien esferenziatos d'a nuestra intuizión u a nuestra mente.|[[Georg Cantor]]}}