Diferencia entre revisiones de «Santa Orosia»

A tradizión diz que Orosia yera una prinzesa de [[Boemia]], naxita d'a ziudat de Laspizio en l'año [[855]] e filla de Boriborio e Ludmila e sobrina de [[San Azisclo]], [[lista de bispes de Uesca|bispe de Uesca]]. Beniba ta la [[Peninsula Iberica]] ta casar-se con un prenzipe [[bisigodo]] u seguntes atras bersions con o mitico [[Rei d'Aragón|rei aragonés]] [[Fortún Garzés]]. Pasoron por [[Alemanya]], [[Babiera]], as [[Galia]]s e plegoron ta os [[Perineus]] en otubre de [[870]]. Cuan trescruzoron os Perineus a comitiba, que sapeba d'a presenzia de [[Islam|musulmans]] en istas tierras, miró de trobar ascape un refuchio en os Perineus, e puyoron ta l'[[Auturía]], anque áa la fin estioron escubiertos por tropas islamicas. O chefe d'istas tropas [[Aben Lupo]], lugartenient de [[Muza Abensazín]], puyó con os suyos exerzitos e los trobó. Proposo matrimonio áa la choben prinzesa que, ta no albandonar a suya fe en [[Cristo]] se negó, dimpués d'o que fué martirizata. Primero le talloron os brazos e as garras por os chenullos, dimpués a capeza, e áa la fin espardioron tot por o mont.

Bels 300 años dimpués, en o [[sieglo XI]], s'aparixió áa un pastor que yera con o suyo rabaño amán de [[Yebra de Basa]], le rezentó a istoria d'o suyo martirio e lo puesto áa on se trobaban as reliquias e le dizió que teneba que fer en ixe mesmo puesto una armita ta benerar a suya capeza, mientres que a resta d'o cuerpo teneba que tresladar-lo ta la [[Seu de Chaca]]. Por toz os puestos áa on pasaba o pastor dende Yebra dica [[Chaca]] as campanas bandeyaban solas, estando iste o primer miraglo d'a santa.

En l'[[Alto Aragón]] se fan siet romerías adedicatas áa la santa. O Domingo de Trinidat puyan ta la l'Auturía os Romers d'o Cuerpo e os Romers d'a Capeza lo fan o día [[25 de chunio]]. Dica l'año [[1947]], cuan o [[Lista de bispes de Chaca|bispe de Chaca]] bedó a suya partizipazión en as prozesions, beniban esprituatos de toz os lugars d'a redolada e tamién d'o bezín país de [[Biarn]], áa on a santa tamién ye benerata. En as romerías se fan danzas tradizionals en o plan de l'armita, os danzaires leban traches tradizionals e tocan [[chiflo]]s, [[chicotén|chicotens]] e [[tambor]]s.

Ta Santa Orosia fan as fiestas mayors en Chaca, [[Serué]] e Yebra e as fiestas menors en [[Betés]]. Bi ha dos cofadrías adedicatas áa ella, una en Chaca e l'atra en Yebra.