'''San Roque''' naixió, d'alcuerdo con a tradizión, de [[Montpeller]] ([[Francia]]) e estió en bida un pelegrino que marchó ta [[Roma]] e enzató una marcha per tota [[Italia]] en os siguients años, dedicando-se áa fer curas de toz os infeutatos per a [[Peste negra|Peste]], a cuala en plegó ta condenar a suya propia bida. A esistenzia d'iste santo s'ha d'enmarcar més que probablement en a segunda metat d'o [[sieglo XIV]], e la suya defunzión en Voghera, anque en hay altras falordias que dizen que abría estato en a mesma [[Montpeller]].
O culto ta iste santo s'estendilló áa sabelas priesas dimpués d'o [[sieglo XV]]. Alabez, dende [[Republica de Benezia|Benezia]] s'enamploron os suyos orizons ent'o mundo chermanico e, en espezial, os [[Países Baixos]]. En o [[1477]], cuan s'eba estendillato una altra epidemia de peste, se fayó fundata en [[Benezia]] una [[confrairía]] que fendo-le onor treballó con os empestatos, a cuala estió conoixita dende l'inte como "''La Confraternitá''" u ''Scuole di San Rocco''. Ixa agrupazión en fomentó lo culto alzando-le capiellas e zentros d'ospizio per tota [[Italia]].
Muitos templos le son adedicatos per tot o mundo, pero en espezial en ye uno en [[París]], áa man d'o [[Museu d'o Louvre]], que estió alzato per orden d'o rei de Francia [[Luis XIV]] en l'año [[1563]], o cualo s'adestaca per as suyas caracteristicas arquiteutonicas.
En o santoral cristiano, a suya onomastica ye zelebrata o [[16 d'agosto]], sendo per ixas calendatas una d'as festibidaz més frecuents como fiesta patronal en muitas localidaz d'[[Espanya]].
