|
== Cheografía ==
O río Nícher naxe amán d'os monts de Loma, en a muga de [[Sierra Leone]] e de [[Guinea]]. Prene una direzión noreste, trabesando Guinea e o sud de Mali, áa on que baña [[Bamako]], [[Timbuktú]] e Gao. Entre KéMacina ei Timbuktú s'estendilla por una ampla plana inundata de cuasi 40.000 km² en a suya mayor amplaria, que se diz o delta interior, e áa on que o suyo cabal se reduze d'un 25% áa un 50%, prenzipalment por ebaporazión. Dimpués se bifurca enta o sudeste, trescruza l'ueste de Nícher, con a suya capital [[Niamey]], dimpués s'endreza enta [[Nicheria]] áa on s'orienta cada begata más dica o sud, dica la suya desembocadura. En Lokoja reculle por a marguin cucha las auguas d'o suyo prenzipal afluyent, o Bénoué, prozedent de [[Camerún]], que duplica o suyo cabal antis de plegar áa lo delta maritimo; desemboca en l'[[Atlantico]] en Port Harcourt, dimpués d'un biache de 4.184 km.
O suyo recorrito, una mica raro, ha feito que o Níger, mientres de muitos tiempos, aiga estato un enigma ta os cheografos, e por ixo áa sobén s'han feito ipotesis mui fantasiosas. Belas lo trafucaban con o [[río Senegal]] u con o Congo, atras en feban una branca d'o Nilo u lo consideraban un rio afluyent d'un laco interior. Abió que asperar dica [[1830]] con a espedizión de Richard Lander ta conoxer a berdat.
O río Nícher fa parti d'os ríos, como lo Senegal, que dende os [[años 1980]] han estato o zentro d'intrés debito áa lo creximiento d'a sequera. L'Autoridat d'a Cuenca d'o Nícher (ABN), organismo de coperazión internazional entre nueu países áa on que se troba la dita cuenca, e a creyazión d'a Ofizina d'o Nícher ([[1932]]), beilan porque o río aduye tanto áa lo desembolique agrícola como en a produzión d'enerchía eletrica. A disposizión de dibersos entibos, d'os que o Sélingué en ye o prenzipal, tien a misión d'aportar enerchía eletrica e aumentar a produzión zerialista, con un incremento d'a superfizie de cautibo de [[roz]] en bels países africans.
== Afluyents ==
|
