Diferencia entre revisiones de «Rusins»

Á lo prenzipio yeran comunidaz rurals de las bals d'os [[Carpatos]] eguals que los atros [[ucraineses]] occidentals e sin reibindicazions nazionals que se conoxcan. De feito en l'aria entre [[Polonia]], [[Rumanía]] e [[Ucraína]] bi ha comunidaz como [[hutsuls]], [[boicos]] e [[lemcos]] con identidat propia, dentro u fuera de la bersant sud. Á finals d'o [[sieglo XVIII]] se repartioron [[Polonia]] entre o [[Imperio Austro-Ongaro]], o [[Imperio Ruso]] e [[Prusia]] e pasoron áa depender d'os primers. Á partir de [[1848]], la parte [[Hongría|ongara]] d'ixe imperio almenistró las tierras d'ixas comunidaz áa lo sud de los [[Carpatos]].

Las autoridaz ongaras s'intresoron en que os eslabos orientals desembolicasen una conzenzia nazional diferent de los eslabos orientals d'o norte d'os Carpatos ([[Galitzia]] austriaca) almenistratas por la parte [[austria]]ca d'o imperio. Sin d'embargo, dica [[1918]] no tenioron esito porque no i abió una clase inteleutual rutena rezeptiba d'ixas ideyas e de trasmeter-las áa la chent.

En [[1918]] los gobiernos de los nuebos estatos que amanixioron dimpués la [[I Guerra Mundial]], [[Hongría]] e [[Checoslobaquia]], preboron d'acomboyar áa la poblazión rutena. En Checoslobaquia se creyó la rechión dita ''[[Podkarpatská Rus]]'' u [[Rutenia Sozcarpatica]], e li dioron plena autonomía en [[1938]]. Ixa rechión la ocupó o [[Exerzito Royo]] e pasó áa la [[URSS]] dimpués la [[Segunda Guerra Mundial]].

En lo referendun de l'[[1 d'abiento]] de [[1991]], que lebó áa la independenzia de la republica d'[[Ucraína]], o 78% de los rusins botoron áa fabor de l'autonomía dentro d'Ucraína, feito que refusó o gobierno de [[Kiev]].