Diferencia entre revisiones de «Ruello d'o Miraglo»

O día [[14 de chunio]] de [[1575]] de maitins, dezaga d'una nueit de plebias e tronadas, se diz que os bezins de Daroca sintioron un gran esclatito. Yera una glerata que baxaba dende as [[pedrera]]s de [[Retascón]] e [[Nombrebilla]]. L'agua dentro en a ziudat e baxo por tota la carrera mayor, rastrando arbols e atros ochetos que agafaba áa lo suyo trango. Cuan toz istos materials que flotaban en l'augua plegoron ta la muralla e a Puerta Baxa s'atrascoron, prenzipiando asinas áa inundar-se a ziudat. As casas s'estrifallaban e as chents puyaban chilando áa las cambras más altas u áa los tellatos d'as casas suyas. Tan y mientres as campanas tocaban ta abisar áa la poblazión d'o periglo.

A ziudat ya yera cuasi engaronata e en a bal s'eba formato un gran laco con tota l'augua que yera entibata en Daroca. Allora un gran ruello que bi eba en o patio d'a casa de José Garcés, bezín d'a Puerta Alta prenzipio a baxar por a carrera mayor, mobito por a corrient. Cuan plego ta la Puerta Baxa la belozidat que teneba ye tan gran que o trucazo crebó as puertas e os maderos, dixando asinas que l'augua salise d'a ziudat. O ruello continó redolando áa gran belozidat enta o río Xiloca, e cuan i plegó cayó áa lo suyo canto.

As chents d'a ziudat baxoron áa beyer os ruello miragloso, ta ers a esplicazión yera prou platera, l'aparizión d'o ruello eba estato obra e miraglo d'os [[Santos Corporals de Daroca|Santos Corporals]] ta protecher a Daroca e áa la suya poblazión. O ruello lo puyoron ta la casa de José de Marcilla en Daroca e se fazió una chicota capiella en a calle mayor en onor d'o feito e de [[San Buenabentura]], ya que lo miraglo escayexió lo día d'iste santo.