Diferencia entre revisiones de «Regano»

O '''regano''' u '''regadío''' ye l'aportazión d'[[augua]] áa la tierra ta faborexer l'optimo desarrollo d'as plantas que se i cautiban. Ista aportazión será suplementaria áa l'augua d'a plebia e o metodo d'aplicazión puet estar superfizial (tamién dito por grabedat) u presurizato. En a mayoría d'os casos se nezesitan bels [[Canal de riego|canals de riego]] que tresporten l'augua.

L'augua, prozedent d'un [[río]] u [[fuent]], u quitata d'un [[pozo]], por meyo d'una [[noria]] u atros sistemas, se fa correr por aintro de [[sulco]]s feitos en a tierra con iste ochetibo. Ixo obliga áa sembrar en o cobalto d'as crestas que bi ha entre sulco e sulco. Cuan l'augua se fa correr por tot o terreno se diz riego por inundazión.

Ta regar por meyo d'o sistema d'aspersión, s'ha de tener una instalazión (fixa u móbil) de cañerías que conduzen l'augua dica os aspersors, dispositibo que s'encarga de distribuyir l'augua sobre os cautibos en forma de plebia. S'amenista de muita enerchía, por lo que s'ha de disponer de grupos de bombeyo u de [[presión]] áa lo rete proporzionata por basas u depositos elebatos.

O goteyo ye un sistema de riego presurizato con muit alta efizienzia de l'augua. Ye un sistema diseñato ta aprofeitar áa lo masimo o gasto d'enerchía e augua.

L'aportazión d'augua áa lo terreno se fa en a zona radicular d'as plantas. Ista aportazión s'efeutua por meyo d'un sistema de chicotas cañerías de muit baxo diametro as cualas tienen chicoz foratos d'os que sale o liquido gota áa gota u con muit baxo cabal. Optimiza o consumo d'augua, e se puet emplegar ta encorporar fertilizants u atros agroquimicos áa lo cautibo.

Ye una modalidat d'as dos anteriors, en que t'aumentar a produzión áa la bez que s'optimizan os recursos, s'encorporan [[fertilizant]]s áa l'augua de riego. Se puet emplegar con l'aspersión u con o goteyo, anque ye más efeutibo con iste zaguero.

Autualment a idroponia ye a forma más abanzata de riego e de produzión agricola. Ye una bariant d'o goteyo, áa la que s'encorporan toz os nutrients que ha menester a planta por meyo d'o sistema de riego.

Requiere d'una imbersión important, pero as produzions tamién aumentan ascape. As instalazions de riego se complementan con una serie d'estrumentos de control, como sondas, sensors, controls d'umedat e temperatura, que gosan zentralizar-se en un ordinador con os suyos programas de chestión. Tot isto controla un sistema preparato ta encorporar os fertilizants áa l'augua de traza automatica. Se prenzipió áa emplegar en floricultura, pero güé en día ye abitual en muitos de produtos [[orticultura|orticolas]].