'''Pribilechio''' ('''Privilégio''' en grafía [[SLA]] e [[aragonés meyebal]], con as bariants '''prebilechio''', '''prebilegio''' e '''previlegio''') ye etimolochicament ''lei pribada'', u siga, no cheneral, relatiba áa una presona concreta. Ye la [[onor]] u lo permís pa fer una autibidat garantito por atra persona u gobierno.
Por eixemplo, en los libros s'endica áa sobén lo [[dreito d'autor]] con la expresión latina [[Cum privilegio]]. Lo pribilechio no ye un [[dreito]], y en bels casos puet estar rebocato de forma tan arbitraria como s'ha conzedito (por un regular lo rei). Un dreito ye inerent, mientres que un pribilechio ye una conzesión. Manimenos, en la practica lo pribilechio ye perén e s'ereta, mientres que los dreitos los conquerió un pueblo con a luita de diferens mobimientos sozials.
En l'[[Antigo Rechimen]] los pribilechios yeran tanto '''presonals''' como '''territorials'''. En [[Espanya]] yeran tamién conoxitos como [[fuero]]s. La expresión pribilechio s'asoziaba áa la [[libertat]], en sentito contrario de tot áa l'usato en la soziedat contemporania. '''Pribilechios e libertaz''' d'un noble yeran los suyos més preziatos biens, lo que esdebenirá la suya posizión sozial e la suya capazidat de autuar publicament.
Lo conzeto de [[clase pribilechiata]] en la soziedat contemporania s'equipara en lo luengache usual áa lo de [[clase dirichent]] u [[clase alta]], la que disposa de riqueza e poder politico més grans, como equibalent áa la [[élit]]. Pero en orichen los [[estamentos pribilechiatos]] de la [[soziedad feudal]] y de l'Antigo Rechimen yeran un [[cuerpo sozial]] definito por lo pribilechio.
