Diferencia entre revisiones de «Pero III d'Aragón»

'''Pero III d'Aragón''' u '''Pietro III d'Aragón''', dito '''lo Gran''' (*[[1239]] – † [[2 de nobiembre]] de [[1285]], [[Vilafranca del Penedès]]). Fillo de [[Chaime I d'Aragón|Chaime I lo Conqueridor]] y a suya segunda muller [[Biolán d'Hongría]], suzedió áa lo suyo pai en [[1276]], en os títols de rei de [[Corona d'Aragón|Aragón]], rei de [[Reino de Valencia|Valencia]] (como ''Pero I''), y conte de [[Condau de Barcelona|Barcelona]] (como ''Pero II'').

Sezilia se trobaba dende [[1266]] baxo a soberanía de [[Carlos d'Anchú]] qui, con o emparo d'o papa [[Climent IV]] que no deseyaba áa dengún [[Hohenstaufen]] en o sur d'Italia, eba estato imbestito rei dezaga de redotar, en [[Benavent]], áa Manfredo qui morió en a batalla.

En [[1279]] una flota d'a corona aragonesa, áa lo mando de [[Conrado Lanza]], recorre as costas africanas ta retornar a soberanía feudal d'Aragón sobre [[Tunizia]] que a muerte d'o emir Muhammad I al-Mustansir eba debilitato. Posteriormén, en [[1281]], Pero III armó una flota para embadir Tunizia y demandó áa lo rezién esleito papa [[Martín IV]] una bula que declarará la operazión melitar como [[cruzata]]; pero lo papa, d'orichen francés y partidario de Carlos d'Anchú, li'n negó.

Cuan a flota iba áa salir, escayexioron en Sezilia as clamatas [[Bispras sezilianas]], cuan os sezilians consiguioron forachitar a los franzeses, dimpués de fer-ne una [[mortalera]] grant. Os sezilianos nimbioron allora una embaxata ta Pero III ofrexendo-li a corona seziliana áa la que teneba dreito grazias áa lo suyo matrimonio. O rey aragonés posó allora la suya flota endrezera ta Sezilia an plegó lo [[30 d'agosto]] de [[1282]] e lo coronoron rei en a ziudat de [[Palermo]].

Á l'inte nimbió una embaxata ta Carlos d'Anchú, que se trobaba en [[Mesina]], demandando-li que li reconoxese como rei de Sezilia e albandonara a isla. A redota d'a flota anchebina en [[Nicoreta]] por l'almirant [[Rocher de Lauria]], obligó áa Carlos áa dixar Mesina y cubillar-se en o suyo reino de [[Nápols]].

O papa Martín IV respondió áa la coronación seziliana de Pero III con a suya escomunión (9 de nobiembre de 1282) y a suya deposizión como rei de Aragón (21 d'abiento de 1283), ofrexendo a corona áa lo segundo fillo d'o rei de Francia, [[Carlos de Balois]], áa qui imbistió lo 27 de febrero de 1284, y declarando una cruzata contra Aragón.

A situazión en a que se trobó Pero III yera de tot inestable, antimás d'aber de luitar contra a embasión franzesa que se yera preparando áa lo norte d'os [[Perineus]], tamién abió d'enfrentar-se áa greus problemas en o interior d'os suyos reinos surtitos por as nezesidaz economicas que a conquista de Sezilia prebocó.

Pero III soluziona os problemas internos premitindo, en [[1283]], a formazión d'a [[Unión Aragonesa]] y churando lo "[[Pribilechio d'a Unión|Pribilechio Cheneral]]" que esfendeba os pribilechios d'a nobleza; y atorgando áa Catalunya la constituzión "Una vegada l'any" en as corz zelebratas en Barcelona entre 1283 y 1284.

Soluzionatos os problemas interiors pudo meter ficazió en a embasión franzesa, que áa lo mando d'o propio rei francés [[Felipe III de Francia|Felip III]], prenió en [[1285]] a ziudat de [[Chirona]], ta aber de retirar-se cuan a flota aragonesa tornó de Sezilia áa lo mando de Rocher de Lauria y redotó áa lo exerzito francés.

Dezaga la suya gran bitoria, Pero III s'iba a enfrentar áa lo suyo chirmán [[Chaime II d'Aragón|Chaime II]] y áa lo suyo sobrín o rei [[Sancho IV de Lión y Castiella|Sancho IV de Castiella]] que no li eban aduyato mientres o suyo conflicto con os franzeses, pero a suya muerte prematura, o [[11 de nobiembre]] de [[1285]], lo impedió.