Diferencia entre revisiones de «Penicilina»

As '''penizilinas''' son [[antibiotico]]s d'o grupo d'os [[betalactamico]]s emplegatos muit áa sobén en o tratamiento d'[[infezión|infezions]] prebocatas por [[eubacteria]]s que i son sensibles. A mayoría de penizilinas son deribatos de l'[[azeto 6-aminopenizilanico]], que difieren entre si seguntes a sustituzión en a [[cadena lateral]] d'o suyo [[grupo amino]]. A [[penizilina G]] u benzilpenizilina estió lo primer antibiotico emplegato amplament en [[medezina]]; o suyo descubrimiento ha estato atribuyito áa [[Alexander Fleming]] en 1928, que chunto con os zentificos [[Ernst Boris Chain]] e [[Howard Walter Florey]] (que creyoron un metodo ta produzir en masa iste [[farmaco]]) otenió lo [[Premio Nobel de Fisiolochía u Medezina|Premio Nobel de Medezina]] en 1945.

No se conoxe de tot o mecanismo d'azión d'as penizilinas, encara que a suya analochía áa la D-alanil-D-alanina terminal, situata en a cadena lateral peptidica d'a subunitat d'o [[peptidoglicano]], amostra que o suyo carauter [[bacterizida]] deriba d'a suya interbenzión como [[inibidor enzimatico|inibidor]] d'o prozeso de [[transpeptidasa|transpeptidazión]] mientres d'a sintesis d'a [[mureína]]. D'ista traza, a penizilina autua debilitanto a paret bacteriana e fazilitando a [[presión osmotica|lisis osmotica]] d'a bacteria mientres d'o prozeso de multiplicazión.

Esisten una gran dibersidat de penizilinas. Belas espezies de [[fongo]]s d'o chenero ''[[Penicillium]]'' sintetizan penizilinas de forma natural, como lo primer tipo aislato, a penizilina G. Menimenos, debito áa l'aparizión de [[resistenzia áa los antibioticos|resistenzias]], s'han desembolicato atras familias seguindo basicament dos estratechias: l'adizión de precursors por a cadena lateral áa lo [[meyo de cautibo]] d'o fongo produtor, cosa que estimula la produzión de [[penizilina biosintetica|penizilinas biosinteticas]]; e a [[sintesis organica|modificazión quimica]] d'a penizilina otenita por a [[fermentazión]] biotecnolochica, resultando en [[penizilina semisintetica|penizilinas semisinteticas]].<ref name="crueger">{{en}} Crueger, Wulf; Crueger, Anneliese: "A texbook of industrial microbiology". 1989. Sinauer Associates. Sunderland. ISBN 0878931317</ref>

As penizilinas difieren entre si seguntes o suyo [[espectro|espectro d'azión]]. Por eixemplo, a benzilpenizilina ye efizient cuentra [[eubacteria]]s [[grampositiba]]s como los [[estreptococos]] e [[estafilococos]], asinas como los [[Neisseria gonorrheae|gonococos]] o [[Neisseria meningitidis|meningococos]], pero s'ha d'almenistrar por [[bía d'administración|bía parenteral]] debito áa la suya sensibilidat áa lo [[pH]] azeto d'o [[estomaco]]. D'atra man, a fenocsimetilpenizilina ye resistent áa iste pH e se puet almenistrar por bía oral. L'ampizilina, áa más de mantener ista resistenzia, ye efizient cuentra bacterias [[gramnegatiba]]s como ''[[Haemophilus]]'', ''[[Salmonella]]'' e ''[[Shigella]]''.