Diferencia entre revisiones de «Muy Ilustre, Antiquísima y Real Hermandad de la Preciosísima Sangre de Nuestro Señor Jesucristo y Madre de Dios de Misericordia»

No se sape a calendata esauta d'a fundazión d'a chirmandat, anque aparixe decumentata en o [[sieglo XVI]] ya bi eba seguntes a tradizión una capiella propia en a ziudat en l'año [[1280]], por o que puede estar que a chirmandat estase establita áa la fin d'o [[sieglo XIII]] u puet que antis.

En [[1554]] a chirmandat aparixe ascribita áa lo Combento de San Agostín, os chirmans ya s'encargan de reglamentar as prozesions de Semana Santa. Ye en l'año [[1622]] cuan s'entregan áa la chirmandat os estandartes d'as cuatro partis d'o mundo, iste mesmo año prenzipia probablement a fer-se a prozesión d'o Santo Entierro en Zaragoza.

Mientres de muitos años, e encara güé, a obra sozial d'a chirmandat ha estato la de recullir os [[caláber]]s albandonatos d'a ziudat de Zaragoza. Anque ya feban ista misión d'antis más, ye en l'año [[1625]] cuan otienen o dreito de fer-lo. En [[1648]] cambean d'ascrizión áa lo Combento de San Franzisco e más tardi en [[1677]] amanixen as nuebas ordinazions d'a chirmandat.

En l'año [[1819]] se produze un litichio con a [[Benerable Orden Terzera]] por a organizazión d'a prozesión d'o Santo Entierro. O conflito se resuelbe en fabor d'a Sangre de Cristo, que dende [[1827]], mismo año en que [[Ferrando VII d'Espanya|Ferrando VII]] lis da o tetulo de "Reyal", ye a unica congregazión que tien dreito áa organizar dita prozesión. A relazión con os reis d'[[Espanya]] en iste sieglo ye estreita. En [[1860]] a reina [[Isabel II d'Espanya|Isabel II]] dona áa la chirmandat o estandarte reyal, un d'os simbolos más importants d'ista e en l'año [[1890]] ye o rei [[Alifonso XIII d'Espanya|Alifonso XIII]] qui ye feito ''Chirman Mayor Onorario''.

En a prozesión de [[1666]] a cama estió lebata por os suyos cofadres, por lo que parixe que esistiba independenzia entre esta sezión e a propia Sangre de Cristo. O decumento que más datos d'a Sezión nos da ye a Concordia de 1862 en o que se diz que pasa a estar una sezión d'a chirmandat d'a Sangre de Cristo con a funzión d'acompañar áa lo Santismo Cristo d'a Cama.

O paso d'o Cristo d'a Cama ye un anonimo, de prenzipios d'o [[sieglo XVII]] u finals d'o [[sieglo XVI|XVI]]. D'estilo barroco, ye una fegura articulata que s'emplegaba d'antis más en a representazión d'a baxata d'a cruz que se feba en a prozesión d'o Santo Entierro. Imachen mui benerata en a ziudat, sale toz os años rematando a prozesión d'o Santo Entierro chunto áa los chirmans d'a suya sezión d'a Sangre de Cristo e costodiata por a Guardia Romana. Tamién ha salito áa las carreras de Zaragoza por atros motibos, relazionatos áa sobén con sequeras u epidemias como en os años [[1661]], [[1713]], [[1748]], [[1868]], [[1885]] e [[1976]].

En a Guerra d'a Independenzia, mientres d'o segundo [[Setios de Zaragoza|setio de Zaragoza]] estió rescatato por bels ziudadans d'as ruinas d'o Combento de San Franzisco dimpués de que iste estiera bombardiato e se tresladó ta o Palazio Arzebispal e dimpués ta la [[Basilica d'o Pilar]]. En [[1810]] se treladó ta la Ilesia d'a Santa Cruz e o [[24 d'abiento]] de [[1813]] ta Santa Isabel, áa on ye actualment.

No se conoxe a calendata d'establimiento d'a Guardia Romana d'a Sangre de Cristo, pero en a prozesión d'o Santo Entierro de [[1700]] ya saliban seis guardias armatos. Entre os años [[1860]] e [[1970]] tamién saliba a Guardia Pretoriana, diferent d'a Romana, costodiando áa lo paso de ''"Jesús con la Cruz a Cuestas"''.

A suya misión ye costodiar áa lo Santísmo Cristo d'a Cama cuan ha de salir áa las carreras d'a ziudat por cualsiquier motibo, abitualment en a prozesión d'o Santo Entierro e tamién cuan a imachen ye fuera d'a suya capiella en a ilesia de Santa Isabel de Portugal. En l'año [[1913]] tamién salioron en o Santo Entierro los ''"Equites"'' u Guardia Romana áa caballo.