A '''mente''' ye a construcción psicolochica que achunta os actos de [[percepción]], [[cognición]] e [[emoción]]. Ye lo que da consistencia áa las impresions e [[pensamiento]]s d'o suchecto, lo que li premite tener consciencia e [[personalidat]] esferenciata d'a resta. Seguntes o punto d'ambista adoptato, a mente puet estar un component d'o [[cerebro]] u una entidat deseparata, perteneixient áa un atro plan esplicativo. Existirban tres vías principals d'abordar-lo: a unidat de tot o cuerpo (a mente no ye más que o cerebro), como piensan os seguidors d'o [[materialismo]]; aquellos que esfensan un [[dualismo]] estricto e os partidarios d'o [[emerchentismo]], que creyen que a mente puet surtir d'o fisico e ye ligata indisolublement pero que lo transciende.
A mente ye l'obchecto fundamental d'estudeyo d'a [[psicolochía]], encara que como concepto e parti distintiva d'o individuo, afecta áa atras disciplinas como a filosofía (en o [[sieglo XX]] surtió una branca especifica, a [[filosofía d'a ment]]). Ta la relichión, ye pareixita en a naturaleza áa l'[[alma]], ye lo que premite parlar d'un "yo" racional e unico e s'asimila áa lo principio vital. D'antis más recibiba o nombre d'[[esprito]].
