Diferencia entre revisiones de «Martes martes»

A '''fuina de papo amariello''' (''Martes martes'' <small>([[Linné|L.]], [[1758]])</small>) ye un [[Carnivora|mamifero carnivoro]] d'a [[familia (biolochía)|familia]] d'os [[mustelidae|mustelidos]], d'a mesma mida alto u baxo que os [[gato]]s domesticos y un peso aproximato de 1,5 Kg. O pelo que tienen istes animals ye de color marrón fusca, cheneralment sin de variacions d'entre animals, pero en o hibierno les creixe más luengo y sedoso. Ye muit caracteristica d'ista especie la taca amariella que tienen en o [[peito]] y parte ventral d'o [[cuello]], «[[papo]]», que les da lo nombre popular [[Idioma aragonés|aragonés]]. A especie ''Martes martes'' ye, áa demés, a más gran d'as dos [[especie]]s de fuinas que se troban en [[Aragón]].

Fan vida cheneralment en puestos boscosos, áa on i troban arbols viellos ta fer-ie lo [[cado]]. Istes animals son os solos [[mustelidae|mustelidos]] que tienen unglas retractils, que emplegan ta mover-se con muitas trazas per alto d'os árbols. Cuentan con una gran achilidat que emplegan ta cazar. Constituyen os más firmes [[depredador]]s d'[[esquiruelo]]s en estato salvache.

Fan a suya actibidat mayor de nueitz y de tardada, estando ixas as horas quan gosan cazar [[Passeriformes|muixons]] que duermen, [[Murinae|ratos]], [[insecto]]s y altros animals, u tamién [[Prunus avium|ceresas]], [[lulo]]s, [[fruita]] u [[uevo]]s que roban d'os niedos. Tienen, áa demés, una territorialidat muit marcada, y deixan bonyas per puestos prominents d'os suyos territorios, tals como [[penya]]s, [[lenera]]s u [[terrero (cheomorfolochía)|terrers]]. Actualment, a especie ye protechida per a IUCN y per as leis europeyas y espanyolas.