Diferencia entre revisiones de «Mai»

En os [[Homo sapiens|sers umanos]], a mai d'una criatura la chesta en a suya [[matriz]] dende l'inte d'a conzezión dica que o [[feto]] ye prou desarrollato ta naxer. En ixe momento, a mai libra la criatura. En que o bebé ye naixito, os [[peito]]s d'a mai produzen [[leit]] ta alimentar áa la criatura.

En os organismos asecsuatos, «mai» fa áa bezes referencia áa lo prochenitor. En o caso d'os organismos unizelulars que se reproduzen per fisión, a ''zelula mai'' ye a que s'estalla ta produzir ''zelulas fillas''.

'''Mama''' u '''mamá''' son parolas afeutibas ta clamar áa la mai.

A parola prozede de l'acusatibo [[latín]] ''matre(m)'', o grupo ''-tr-'' tornando-se ''-ir-'' probablemén per enfluyenzia d'o [[gascón]]. O bocable latín ''mater'' se beye emplegato áa ormino en [[cultismo]]s como ''alma mater'', e lo suyo orichen entronca con o d'as altras [[luengas indoeuropeyas]], o que fa que a parola siga parexita en muitas d'as luengas d'[[Europa]].

Debez, o conzeuto ye espresato de trazas prou amanatas en muitas d'as luengas d'a Tierra; no nomás en as d'orichen indoeuropeu (an a radiz ye *''ma''), tamién en altras que no bi guardan relazión, como puede estar a [[Idioma chinés|chinesa]] (''ma'', en pinyin). Isto probablemén se deba áa la relatiba fazilidá d'a pronunziazión d'a silaba /ma/ ta os ninons, en os que o sistema fonador encara no ye totalmén desarrollato.