Os empenzipiallos d'a suya bida son poco conoxitos. En [[1520]] se casó con Catherine, filla de Jacques des Granches, [[condestable]] de [[Saint-Malo]], matrimonio que millora la suya categoría sozial.
Bels istoriadors piensan que talmén abió ito áa [[Terranoba]] con una campaña de [[pesca]], ya que a rechión yera conoxita por os pescadors [[País Basco|bascos]] y [[Bretaña|bretons]]. Atros prexinan, alazetando-se en o suyo conoximiento d'o [[Idioma portugués|portugués]] y con as cutianas contimparazions con as suyes memorias de biache entre os amerindios de [[Nueba Francia]] y os [[brasil]]eños, que talén abió partizipato en bel biache áa [[Brasil]], ye fázil que con [[Giovanni da Verrazzano]] (encara que iste no eba esplorato más que l'America d'o norte y no pas l'America d'o sud).
Nabegán de gran perizia, en [[1532]] fue presentanto áa o [[Lista de reis de Francia|rei]] de [[Francia]] por o abat d'o [[monesterio d'o Mont-Saint-Michel]], y en [[1534]] [[Franzisco I de Francia|Franzisco I]] li mandó que troba-se una rota ta comunicar [[Europa]] y [[Asia]] por o norte d'America (o clamato «[[paso d'o norueste]]»), ta eludir o control establito por os [[Espanya|espanyols]] en aquer continén. En fazió tres biaches ta intentar trobar o paso, en [[1534]], en [[1535]]-[[1536]] y en [[1539]]-[[1542]].
Morió por una epidemia de [[peste]] o [[1 de setiembre]] de [[1557]] en a suya ziudat natal, y ye apedacato en a [[Seu de San Bizén de Saint-Malo]].
