A '''Guerra de Succesión Espanyola''' ([[1701]]-[[1713]]/[[1715]]) estió un [[guerra|conflito belico]] internacional por a succesión áa lo tron d'as coronas hispanicas dimpués d'a muerte de [[Carlos II d'Aragón|Carlos II]], que duró dende [[1701]] dica [[1713]], encara que a resistencia en [[Catalunya]] continó dica l'anuo [[1714]] y en [[Mallorca]] dica [[1715]], y que remató con o establimiento d'a [[Casa de Borbón]] en Espanya.
Entre as coronas hispanicas, a [[Corona de Castiella]] apoyó áa [[Felipe V d'Espanya|Felipe de Borbón]] mientres que, dimpués de [[1705]], os estatos d'a [[Corona d'Aragón]] s'alinioron con o pretendient [[Carlos VI d'o Sacro Imperio Romanochermanico|Carlos d'Austria]]. Por ixo, lo trunfo de Felipe de Borbón significó a fin d'os dreitos e privilechios d'os reinos d'a Corona d'Aragón, que s'uniformizoron seguntes as leis de Castiella por os [[Decretos de Nueva Planta]].
