A '''Guerra Anglo-Zanzibariana''' estió una batalla entre o [[Reino Unito]] y [[Zanzíbar]] o [[27 d'agosto]] de [[1896]]. Con una durada de 45 [[menuto]]s, tien o record d'a [[guerra]] más curta quaternata en a historia.
A guerra se desvinió dimpués d'a muerte d'o [[Soldán]] [[Hamad bin Thuwaini]] o [[25 d'agosto]], qui yera presto áa cooperar con l'administración colonial britanica; o suyo primo [[Jalid bin Bargash]] prenió o poder por meyo d'un [[golpe d'estato]].
Os britanicos ordenoron a Bargash [[abdicación|abdicar]] y faboreixeban a l'atro candidato, [[Hamud bin Muhammed]], con qui creyeban que yera más fácil colaborar. Bargash refusó y formó un [[eixercito]] con 2.800 hombres y o [[yate]] armato de l'anterior soldán, o H.H.S. Glasgow, que yera en o puerto. Mientres as tropas de Bargash yeran fortificando o palacio, a [[Royal Navy|Armata Reyal]] reunió cinco naus de guerra en o puerto chunto áa o palacio (tres [[crucero|crucers]] mudernos: un [[acorazato|crucero acorazato]] de [[Crucero de clase Edgar|clase Edgar]] [[HMS St George]], un [[crucero protechito]] de [[Crucero de clase Pearl|clase pearl]] [[HMS Philomel]], un [[Crucero de clase Archer]] [[HMS Racoon]]; y dos [[Cargueros d'armas]] o [[HMS Thrush]] y o [[HMS Sparrow]]). Os britanicos tamién desembarcoron bellas companyías de [[Reyals Marins|Marins Reyals]] ta aduyar áa os "leyals" un eixercito de [[Zanzíbar]], en total s'achuntoron 900 hombres en 2 batallons comandatos por o [[Cheneral Lloyd Mathews]], un antigo [[tenient]] de l'[[Armata Reyal]].
A tamas d'os esfuerzos d'o soldán por negociar a paz áa traviés d'o representant [[Estatos Unitos|estatounitense]] en a isla, as naus de l'[[Royal Navy|Armata Reyal]] ubrioron fuego contra o palacio en o maitín d'o 27 d'agosto, dimpués de que rematara l'ultimátum britanico áa las 9 a.m. Con o palacio esboldregando-se dencima d'ell y con muitos muertos, o soldán habió de retirar-se ascape áa o consulato [[Alemanya|alemán]], a on se le atorgó asilo. O bombardeyo s'aturó áa os 45 menutos, quan o Glasgow se fundió.
Os britanicos desichioron áa os alemans que entregaran áa o soldán, pero iste escapó áa la mar o [[2 d'otubre]]. Vivió en o esilio en [[Dar es Salaam]] dica que estió preso por os britanicos en [[1916]] y exiliato áa [[Mombasa]], a on que morió en [[1925]].
