[[Imachen:Argon ice 1.jpg|250px|thumb|right|Un chicot troz de chelo d'argón eschelando-se ascape, beyendo-se-ie áa más a transizión de solido áa gas.]]
En [[fesica]], una '''fase''' ye una rechión d'o espazio (un [[sistema termodinamico]]), áa trabiés d'a cuala totas as propiedaz fesicas d'un material son esenzialment uniformes<ref>Michael Modell, Robert C. Reid: ''"Thermodynamics and Its Applications''. Prentice-Hall. Englewood Cliffs, NJ. 1974. ISBN 0-13-914861-2</ref>. Eixemplos de propiedaz fesicas son a densidat, [[endize de refrazión]], e composizión quimica. Una descripzión simpla ye que una fase ye una rechión de material que ye quimicament uniforme, fesicament diferent e (á sobén) mecanicament deseparable. En un sistema formato por chelo e augua en una charra de bidre, os cubez de chelo son una fase, l'augua ye una segunda fase e l'aire umedo arredol de l'augua ye una terzera fase, O bidre d'a charra ye atra fase deseparata.
O termin fase s'emplega áa ormino como sinonimo d'[[estato d'a materia]]. Tamién, o termin fase gosa referir-se áa un conchunto d'estatos en equilibrio definitos, en termins de bariables d'estato como presión e temperatura, por una muga entre fases en un [[digrama de fase]]. Ya que as mugas entre fases se relazionan con os cambeyos d'organizazión en a materia, como por eixemplo lo cambeyo d'estato liquido áa solido u un cambeyo d'una estrutura cristalina áa una atra, iste zaguer emplego ye parellán áa l'uso de fase como sinonimo d'estato d'a materia.
