|
[[Imachen:ETAren anagrama Altsasun.jpg|thumb|220px|Mural d'apoyo áa ETA en [[Altsasu]].]]
[[Imachen:AritxulegiEta22 7.jpg|220px|right|thumb|Miembros armatos d'ETA en o ''Gudari Eguna'' d'o [[25 de setiembre]] de [[2006]].]]
'''ETA''' (que senifica '''Euskadi Ta Askatasuna''', en [[idioma vasco|vasco]] ''País Vasco e Libertat'') ye una organización independentista vasca armata y clandestina, d'idiolochía [[Marxismo|marxista]], que tien como obchectivo a creyación d'un Estato vasco [[euskaldun]], independient d'[[Espanya]] y [[Francia]], y encluyendo os siet territorios vascos historicos ([[Euskal Herria]]): tres perteneixients áa lo Estato Francés (que son totz almenistrativament en o departamento francés d'os [[Perineus Atlanticos]]), tres provincias d'o Estato Espanyol que forman l'actual [[País Vasco]], y a tamién provincia espanyola de [[Navarra]], en l'actualidat Comunidat Foral de Navarra; y [[socialismo|socialista]]. Ye considerata una organización terrorista por o gubierno d'Espanya, por a [[Unión Europeya]]<ref name="EUList">{{en}} [http://eur-lex.europa.eu/LexUriServ/site/en/oj/2006/l_144/l_14420060531en00250029.pdf Lista d'organizacions terroristas feita por a UE o 29 de mayo de 2006]</ref> y por os [[Estatos Unitos]]<ref>{{en}} [http://www.state.gov/s/ct/rls/fs/37191.htm Lista de organizacions terroristas foranas feita por os EUA]</ref>.
ETA practica áa sobén a [[extorsión]] e a vegatas o [[secuestro]] como metodos de financiamiento y con finalidat de presión política. Organizacions como [[Amnistia Internacional]] <ref>{{es}} [http://www.es.amnesty.org/noticias/noticias/articulo/amnistia-internacional-condena-la-campana-de-amenazas-y-homicidios-deliberados-de-eta-contra-represe/ ''Amnistía Internacional condena la campaña de amenazas y homicidios deliberados de ETA contra representantes de los partidos políticos']'.</ref> denuncian anyalment as activitatz d'ETA en os suyos informes asinas como belas actuacions d'os cuerpos policials espanyols en o mesmo conflicto.
Os integrants d'ETA son clamatos ''etarras'', y o suyo simbolo ye una [[serpient]] enreligata en una [[estral]].
== ETA en Aragón ==
Debito áa las buenas comunicacions d'Aragón con o [[País Vasco]] y [[Francia]] e áa la suya orografía ha estato siempre un puesto privilechiato ta las actividatz d'ETA.
En total 17 personas han muerto en o país debito áa los atentatos, a más gran parti d'els relacionatos con a [[Guardia Cevil]] u o [[Eixercito]]. As dos primeras victimas d'ETA en Aragón estioron Manuel Rivera Sánchez y Ángel José Ramos Saavedra, comandant y soldato d'o Eixercito que morioron dimpués de que esclata-se l'autobus melitar en que viachaban en a Plaza de San Chuan d'os Panetz de [[Zaragoza]] o día [[30 de chinero]] de [[1987]]. Ixe mesmo anyo, l'[[11 d'aviento]], se produció tamién o pior atentato d'ETA en Aragón con o esclatito d'un coche-bomba en a casa d'a Guardia Cevil de l'Avenita de Catalunya de Zaragoza, morindo 11 personas, entre ellas cinco ninas.
En [[1989]] moriba en [[Chaca]] sarchento d'o eixercito Joaquín Bordonaba en un atentato con libro-bomba. Dica l'anyo [[2000]] ETA no torna áa actuar en Aragón y ye o [[20 d'agosto]] de [[2000]] en [[Sallén de Galligo|Sallén]] quan son asasinatos os guardias cevils Irene Fernández Pereda y José Ángel de Jesús Encinas con una bomba penchata en os baixos d'o suyo coche. Un anyo dimpués ye asasinato de tres tiros en a carrera Cortz d'Aragón o president d'o [[Partito Popular d'Aragón]] Manuel Giménez Abad quan se'n iba ta [[A Romareda|La Romareda]] áa veyer áa lo [[Real Zaragoza]].
Ha habito atros atentatos d'ETA en Aragón como por eixemplo en o Corte Inglés de [[Paseyo de Sagasta|Sagasta]] en que nomás habió danyos materials y bellas personas feritas.
Manimenos l'actividat d'ETA ha estato muito mayor en a suya historia en Aragón. S'han trobato diferents pisos francos prencipalment en Zaragoza e tamién s'ha preso a personas relacionatas con ETA en atros puesto como l'Almunia<ref>{{es}} [http://www.elpais.com/articulo/espana/Detenidas/34/personas/amplia/operacion/antiterrorista/Espana/Francia/elpepuesp/20031008elpepunac_1/Tes Detenidas 34 personas en una amplia operación antiterrorista en Espanya y Francia]</ref>. Tamién ETA s'aprofeitato d'a orografía [[Perineus|perinenca]] ta amagar armas y personas como amuestra o descubrimiento d'un zulo en a [[Guarguera]] con 125 kg d'explosivos áa prencipios de [[2008]]<ref>{{es}} [http://www.elcorreodigital.com/vizcaya/20080108/mas-actualidad/politica/guardia-civil-investiga-zulo-200801080907.html La Guardia Civil localiza dos zulos de ETA con explosivos en Lesaka y Sabiñanigo]</ref>.
Tamién ye important a operación policial en a que a Guardia Cevil de trafico prenió lo [[21 d'aviento]] de [[1999]] dos furgonetas a mán d'[[Alfama d'Aragón]] y [[Contamina]] con grans cantidatz d'explosivos ta emplegar en futuros atentatos d'ETA.
| 