Diferencia entre revisiones de «Estanislau Konarski»

'''Estanislao Konarski''' (en [[idioma polaco|polaco]]: ''Stanisław Konarski''; o suyo nombre reyal yera '''Hieronim Franciszek Konarski'''), naixito lo [[30 de setiembre]] de [[1700]] áa [[Żarczyce]]; muerto lo [[3 d'agosto]] de [[1773]] áa [[Barsobia]] ([[Polonia]]), yera un [[pedagogo]] [[Polonia|polaco]], un reformador educatibo, un [[escritor]] [[politico]], un [[poeta]], un [[dramaturgo]], un monche d'[[Escuelas Pías]] y o precursor prenzipal d'a [[Ilustrazión]] en Polonia.

Entre 1725 y 1727 Konarski estudió áa lo ''[[Collegium Nazarenum]]'' en [[Roma]], an se fa un profesor de [[retorica]]. Á continuazión, t'amillorar a suya educazión, biachó enta Francia, Alemanya y Austria. En 1730 tornó enta Polonia y prenzipió un treballo sobre un nuebo testo d'a lechislazión polaca (''Volumina legum'').

De 1736 Konarski estió mayestro áa lo [[Collegium Resoviense]] en [[Rzeszów]] y en 1740 establió o [[Collegium Nobilium]], una escuela elitista de Varsovia ta fillos d'as personas d'alta clase sozial ("szlachta"). Dimpués, reformó as [[Escuelas Pías]] en Polonia, d'alcuerdo con o suyo programa educatibo (''Ordinationes Visitationis Apostolicae...'', [[1755]]). As suyas reformas se tornoron un punto importán en a luita d'o [[sieglo XVIII]] ta modernizar o sistema educatibo polaco.

Á lo prenzipio, Konarski estió asoziato politicamén con o Rei [[Estanislao Leszczynski]]; más tardi, s'amanó áa la "Familia" de Czartoryski y o Rei [[Estanislao II Poniatowski]], partizipando en as conoxitas "zenas de chuebes". Estanislao II Poniatowski fazió que una medalla estase acuñata en onor de Konarski, con o suyo retrato y a inscrizión latina bien-merexita, ''Sapere auso''.