Diferencia entre revisiones de «Disenyo»

O '''diseño''' ye a representazión grafica e calculo d'as dimensions d'un [[ocheto]] con a fin de definir-lo unibocament e fer-ne posible a suya construzión. Autibidat endrezata áa consiguir a produzión en serie d'ochetos útils e politos.

Prozeso prebio, de confegurazión mental, en a busca d'una soluzión en os campos d'as artes aplicatas, a [[incheniería]] e l'[[arquiteutura]]. Como berbo, se refiere áa lo prozeso de creyazión d'un nuebo [[ocheto]] u meyo de comunicazión enfilato áa estruturar e confegurar contenitos que premiten estar usatos ta satisfer nezesidaz espezificas d'os sers umans. Como sustantibo, se refiere áa lo produto final fruito d'o prozeso de diseñar, entendendo-se cualsiquier forma de representazión; un debuxo, una maqueta, un plan u una descrizión tecnica.

Diseñar requiere de condizions funzionals e esteticas. S'amenistan numerosas fases de rechira, analisis, modelato, achustes e adautazions prebias áa la produzión d'un ocheto u sistema grafico. Antimás, complega buena cosa de disziplinas pendendo en l'ocheto u produto áa diseñar, estando as prenzipals: o [[diseño grafico]], o [[diseño industrial]], o [[diseño testil]] u de [[moda]] e o [[diseño d'espazios]] u [[arquiteutura]]. O suyo campo d'autuazión tien relazión con a [[industria]] e o [[comerzio]] e, como fenomén sozial, con a [[cultura]].

L'orichen d'o diseño se troba en os antigos ofizios d'artesans, d'os cualos deriba áa la fin d'o sieglo XIX con a [[revolución industrial]] e a produzión en cadena de produtos.

A sobén s'entiboca áa diseñadors con artistas, por o común denominador que representa la creyatibidat en os dos campos. Manimenos, o diseñador proyeuta un diseño en funzión d'un encargo e ta una finalidat concreta, chustificando razionalment as suyas azions. A produzión artistica, por atro canto, ye más espontania e as suyas azions no pretenden estar chustificatas.