Diferencia entre revisiones de «Diocesis d'Aragón»

As '''diocesis aragonesas''' son as divisions d'a [[Ilesia Catolica]] en [[Aragón]]. Aragón ye dividito en 6 [[diocesi]]s, una d'eras archidiocesi: [[Diocesi de Balbastro-Monzón|Balbastro-Monzón]], [[Diocesi de Tarazona|Tarazona]], [[Diocesi de Teruel y Albarrazín|Teruel y Albarrazín]] y [[Diocesi de Uesca|Uesca]], perteneixients áa l'[[archidiocesi de Zaragoza]], y [[Diocesi de Chaca|Chaca]], perteneixient áa la [[archidiocesi de Pamplona]].

* A '''[[diocesi de Uesca]]''' la creyoron en u antis d'o sieglo VI. Dimpués de [[713]], o suyo territorio quedó trestallato en dos partes, una baixo dominio cristiano y atra baixo dominio musulmán (población [[pueblo mozarabe|mozarabe]]). En o [[sieglo X]] o rei Galindo de Pamplona consagró a Ferriolo com [[Diocesi de Sasau|Bispe de Sasau]], o primer bispe d'o territorio cristiano. Os suyos continuadors s'intituloron bispes d'Aragón. Dende [[1077]] dica [[1096]], existió una diocesi independient con seu en Chaca, creyata por [[Sancho Remíriz]], y que s'achuntó con a [[Diocesi de Uesca]] en 1096, en ista ciudat fue conquiesta por Aragón y pasó áa estar a suya capital. Naixió alavez a [[Diocesi de Uesca-Chaca]], con seu en [[Uesca]]. O [[18 de chunio]] de [[1571]], áa demanda d'o Rei [[Felipe I d'Aragón|Felipe II]], o papa [[Pío V]] la troxa en tres partes, a [[diocesi de Balbastro]], de nueva creyación, a [[diocesi de Chaca]] que torna a tener una seu bispal independient, quedando a resta t'a [[diocesi de Uesca]].

* A '''[[diocesi de Chaca]]''', fue creyata en [[1077]], como seu bispal y capital d'o [[Reino d'Aragón]], que dica alavez no teneba garra ciudat gran. A primer seu bispal estió en o [[Monesterio de Sasau]], y o primer bispe conoixito Ferriolo, [[Diocesi de Sasau|Bispe de Sasau]], en [[922]]. D'ista traza se segregaba a zona baixo dominio cristiano d'a [[diocesis de Uesca]], que continaba existindo entre a población mozarabe baixo dominio musulmán. A primers d'o sieglo XI, o bispe principió áa sinyar como [[Bispe d'Aragón]]. Ista diocesi remanió independient dica [[1096]], en que se conquirió [[Uesca]]. Alavez se i tresladó a capital d'o reino, y s'achuntón as dos diocesis en a [[diocesi de Uesca-Chaca]] con seu en [[Uesca]]. O [[18 de chunio]] de [[1571]], una bula de [[Pío V]] torna a establir a [[diocesi de Chaca]] como seu bispal independient. Dende alavez, o cambeo territorial más important escaició en [[1785]] cuan una bula de Pío VI incorporó l'Arciprestato d'a Val d'Onsella (que encluyiba buena parte d'as Cinco Villas y perteneixeba áa la [[Diocesi de Pamplona]]) áa os territorios d'a diocesi aragonesa. Hue ye a unica diocesi aragonesa que no ye dependient de l'arcebispato de Zaragoza ya que pende d'o de Pamplona.

* A '''[[diocesi de Balbastro-Monzón]]''' la creyoron en [[1995]], con o territorio d'a [[Diocesi de Balbastro]] áa o que s'achuntón as parroquias aragonesas que d'antis más perteneixeban áa la [[Diocesi de Leida]].