Diferencia entre revisiones de «Carlos III de Navarra»

En [[1378]], cuando yera encara un mesache, o suyo pai le ninvió en una embaixata ta o [[Lista de reis de Francia|rei]] de [[Francia]] [[Carlos V de Francia|Carlos V]], y iste li fació preso y s'apoderó d'as posesions navarras en Francia, fueras de [[Cherbourg]], que yera imposible de conquerir. Interrogato por o rei, iste conoixió os plans navarros ta apoderar-se d'a villa de [[Logroño]], en [[A Riocha]], y aprevinió áa o [[Lista de reis de Castiella|rei]] de [[Reino de Castiella|Castiella]] [[Henrique II de Castiella|Henrique II]]. Henrique ordenó a invasión de Navarra, forzando áa Carlos II áa sinnar o [[Tratato de Briones]]. Dimpués, en [[1380]], Carlos V de Francia liberó a o infante Carlos.<ref>Herreros Lopetegui, ''Navarra en la órbita francesa'', Historia Ilustrada de Navarra, [[1993]], ''Diario de Navarra'' ISBN 84-604-7413-5.</ref>

A politica d'o suyo reinato estió la de d'aconseguir a paz con os suyos vecins, albandonando a politica d'o suyo pai, que yera expansionista d'o reino. Asinas, en [[1404]], por o [[Tratato de París (1404)|Tratato de París]], renunció áa la reclamación de bels territorios en [[Francia]] que yeran feudos d'a suya familia, como [[Campanya]] u [[Bria]]. Yera una politica más achustata áa la situación politica y economica interior d'o [[reino de Navarra]], y áa más premitiba l'aumento d'a presencia de navarros en as institucions politicas d'o reino.

Antiparte, milloró as relacions de Navarra con os países mugants: [[Anglaterra]], [[Reino de Castiella|Castiella]] u [[Reino d'Aragón|Aragón]]. Colaboró con os castellans en a [[Guerra de Granada]] y ta fer a paz con o [[reino d'Aragón]] casó áa la suya filla y heredera [[Blanca I de Navarra|Blanca]] con [[Martín I de Secilia|Martín I de Secilia ''o Choben]], hereu de [[Martín I d'Aragón]].