Diferencia entre revisiones de «Capítol d'a seu»

D'alcuerdo con lo [[dreito canonico]], lo '''capítol de la Seu''' ye un colechio de [[clerigo]]s instituito pa aduya áa lo [[bispe]] con lo suyo consello y, en o caso de quedar vacant lo puesto, sustituir-lo en lo gubierno de la [[diocesi]]. La suya creyación ye facultat de lo [[Papa]]. Los capítols se composan de [[Calonche]] y dignidatz que pueden estar numeratos (con prevendas fixas) u no numeratos (lo lumero de [[calonche]]s que sinyala lo bispe seguntes las [[renda]]s).

Bi ha un titol beneficial que se da áa bels miembros de lo capítol metropolitán que se diz ''[[dignidat eclesiastica]]'' y que da preferencia sobre los atros miembros. Lo suyo lumero y nombre no se fundoron en lo dreito común eclesiastico, se fundoron en los requisitos organizativos de la vida regular y de cadaguna de las [[diocesis]] y en los costumbres de cada [[ilesia]]. La vida en común requereba la creyación de bels cargos pa lo rechimen, disciplina y administración de lo capítol; y lo gobierno de la diocesi recomendaba la presencia en las seus de los arcedianatos y [[arciprestato]]s que i heba en lo mapa eclesiastico.

Lo '''Capítol''' lo forman un ''[[deán]]'' (que fa como president), l'''[[arciagne]]'', lo ''[[capiscol]]'' u ''[[cantor]]'', lo ''[[mayestre]]'' e lo ''[[tresorero]]''. Chunto áa ellos se troban las ''[[calonchía]]s'', en lumero variable seguntes un capitol y atro, on bi ha calonches, diacons, sozdiacons y en bels casos (en los capitols més grans) los [[capellán|capellans]].

L'[[Arciagne]] (''ARCHIDIACONUS'' en [[latín]]) yera teoricament lo primer de los [[diacon]]s, áa qui competeba la presentación de los ordinandos áa lo [[bispe]] e que teneba churisdición y dreito de visita sobre lo clero de la demarcación eclesiastica clamata arcedianato.

Lo ''sacrista'' u ''sagristán mayor'' (''SACRISTA'' en [[latín]]) admenistraba los biens de la sacristía y satisfeba los gastos de culto; bellas vegatas recibiba lo titol de ''tresorero''. Lo ''[[cantor]]'' u ''capiscol'' (''PRECENTOR'' u ''CANTOR'' en [[latín]]) rechiba lo canto coral y ordenaba los servicios d'altar e coro. L' ''[[almosnero]]'' (''HELEMOSINARIUS'' en [[latín]]) en [[Uesca]] y [[Chaca]] gobernaba la [[Casa de l'Almosna]] y atendeba áa los pobres e [[malautía|malautos]]. L'''[[infirmario]]'' (''INFIRMARIUS'' en [[latín]]) cudiaba de la enfermería canonical; dignidat que no existiba en los capítols seculars y que la suprimioron en los secularizatos.

En las seus de [[Uesca]] e [[Chaca]], lo capellán mayor (''CAPELLANUS MAYOR'' en [[latín]]) yera lo [[calonche]] en qui bispe y capítol delegaban la cura d'almas. En las seus de [[Chaca]] e [[Zaragoza]], l'obrero (''OPERARIUS'' en [[latín]]) teneba áa lo suyo cargo lo mantenimiento de la fabrica y costrucción de dependencias de la seu. En las atras seus la suya función la executaba lo ''[[fabriquero]]'', cargo considerato como un oficio y no como una dignidat.