Diferencia entre revisiones de «Caesaraugusta»

''Colonia Caesar Augusta'' yera o nombre ofizial d'a nueba ziudat, gozaba d'o pribilechio de tener o nombre completo d'o suyo fundador, qui acomandó lo suyo ''deductio'', como atras muitas fainas d'o Imperio, áa lo suyo choben [[Agripa]].

En a fundazión d'a ziudat, partiziporon soldatos beterans d'as lechions ''[[Legio IV Macedonica|IV Macedonica]]'', ''[[Legio VI Victrix|VI Victrix]]'' e ''[[Legio X Gemina|X Gemina]]'', lizenziatos dezaga la dura campaña contra os [[Cantabros]], con a doble intinzión de guaranziar a esfensa d'o territorio e de fixar en er a presenzia de [[Roma]]. Caesaraugusta teneba o tetulo de [[Colonia Inmune]], lo que feba que goza-se de determinatos pribilechios, asinas teneba dreito áa cudir e yera desimita d'o pago d'impuestos. Os nuebos ziudadans estioron ascribitos áa la tribu ''[[Aniense]]''.

En o prozeso de reorganizazión de territorios ispanos, se creyan tres provincias, ''[[Tarraconense|Tarraconensis]]'', ''[[Baetica]]'' e ''[[Lusitania|Lvsitania]]'', dibiditas en combentos churidicos (destritos menors con funzions chudicials e almenistratibas); d'ers, o rexito por Caesaraugusta, o [[Combento Churidico Caesaraugustano]], yera lo más amplo d'os siet en os que se dibidiba la provincia Tarraconense. Caesaraugusta asumió dende o primer inte o paper de cabezera rechional, sustituyendo áa la colonia [[Victrix Ivlia Celsa]] (actual [[Biliella d'Ebro]]).

O periodo de mayor fuga d'a ziudat (sieglos [[sieglo I|I]] e [[sieglo II|II]]) trayió muitas d'as grans obras publicas, bellas d'eras encara pueden beyer-sen güé: o [[foro román|foro]], o puerto flubial (que combirtió áa Caesarugusta en a prenzipal redistribuyidora de mercanzías d'a bal de l'[[Ebro]]), as [[terma]]s publicas, o [[teyatro]], l'[[anfiteyatro]], o primer puen d'a ziudat (situato en o mesmo puesto que l'actual [[Puent de Piedra (Zaragoza)|puent de Piedra]] e que probablement yera una obra mista de piedra e fusta).

L'[[agua]] también teneba un important paper en Caesaraugusta romana, tanto por a suya situazión áa o canto d'o [[río Ebro]] e chunto áa la desembocadura d'a [[Uerba]] e o [[río Galligo|Galligo]] como por os suyos complexos sistemas de furnito e regano. Chunto áa las ya ditas termas, s'han decumentato asabelos [[alchub]]s, fuents e trampos de cañerías de plomo e sanamiento.