'''Abd Allah ibn Hakam al-Tuchibí al-Hayib''' (†[[1038]]) estió rei d'a [[taifa de Saraqusta]] mientres 28 días en [[1038]].
Abd Allah ibn Hakam yera un d'os [[cadí]]s u gubernadors de [[Mundir II]]. Endrezó una conspirazión ta derrocar áa lo suyo primo Mundir II. Con l'apoyo de bels partidarios consiguió que bellas fauzions se rebelasen en o berano de 1038 contra o rei e prenesen l'alcazar reyal o [[23 d'agosto]] de [[1038]]. Astí estioron executatos Mundir II e o suyo bisir [[chodigo]] [[Yequtiel ben Ishaq]].
Eba preparato prou bien o suyo golpe de Estado, ya que rapidament prenzipizó áa cudir con o suyo nombre e nuebo títol de ''hayib'' («chambelán»), que yera o mesmo que emplegó [[Almanzor]] e toz os reis de [[taifa]]s como simbolo d'o suyo poder. Abd Allah ibn Hakam quereba recuperar o poder que teneba o suyo lolo [[Abd al-Rahman]] en Saraqusta, lebato áa l'ostrazismo por [[Mundir I]], que formaba parti d'una rama secundaria d'iste linache. Manimenos nomás estió rei dica o [[20 de setiembre]] de [[1038]] ya que l'asasino de Mundir II l'eba promeso áa l'allora gubernador de Leida [[Sulaymán ben Hud al-Musta'in]] entregar-le o poder politico, pues Sulaymán ben Hud pertenexeba áa una d'as más poderosas familias e teneba gran prestichio melitar, pero no cumplió lo pauto. Por ixo Sulaymán ibn Hud, aduyato por Ismail de Toledo dezidió dentrar en Saraqusta, áa on antimás trobó l'apoyo d'a poblazión. A poblazión d'a ziudat pronto lo beyó áa Abd Allah como un usurpador e antimás conoxeban e estimaban áa Sulaymán ibn Hud Abd Allah por lo que Abd Allah s'atrincheró en l'alcázar, e áa la fin enrestito por o pueblo abió de fuyir e se retiró dende allora áa la fortaleza de Rueda.
