Diferencia entre revisiones de «Antoine van Leeuwenhoek»

m
Robot: Reemplazo automático de texto (- á + a )
m (robot Modificado: sv:Antonie van Leeuwenhoek)
m (Robot: Reemplazo automático de texto (- á + a ))
[[Imachen:Anton van Leeuwenhoek.png|thumb|right|Antón Van Leeuwenhoek, comerziant e zientifico neerlandés que ba fer as primeras obserbazions de microorganismos.|300px]]
[[Imachen:Leeuwenhoek Eschenholz.jpg|thumb|right|]]
'''Anton''' (u ''Antoine'') '''van Leeuwenhoek''' ([[Delft]], [[Países Baixos]], [[24 d'otubre]] de [[1632]] - †[[26 d'agosto]] de [[1723]]), o suyo nombre completo estió '''Thonius Philips van Leeuwenhoek''' (prenunziato ''leiebenjúck''), estió un [[comerziant]] e [[zientifico]] [[Países Baixos|neerlandés]], conoixito por as milloras que introduzió en a fabricazión de [[microscopio]]s e os suyos descubrimientos pioners áa redol d'os [[protozou]]s, os [[hematíe|globulos royos]] en a sangre, o sistema de [[capilar]]s, amás d'os zerclos bitals de bels inseutos.
 
Leeuwenhoek no teneba guaire formazión zientifica, e dimpués que o suyo pai morió d'una malotía cuan teneba bellas seis añadas, a suya mai casó de nuebas ta embiduar pocas añadas dimpués.
 
O choben ''Leeuwenhoek'' partió ta [[Amsterdam]] ta rezibir formazión como comerziant de paños con un comerziant [[Escozia|escozés]]. Manimenos, a suya curiosidát natural li lebó áa contautar con a literatura zientifica, estando leutor cutiano de temas d'[[Astronomía]], [[Zenzias naturals]], [[Matematicas]] y [[Quimica]]. Enguán se considera que bellas milloras que l'olandés introduzió en os lentes de microscopios estioron pensatas ta diferenziar as trazas d'os testiles antes que no ta treballar con elementos biolochicos, encara que d'a unión d'ista autibidat profesional y o suyo interés por a zenzia en surtión bellas alportazions memorables t'a [[biolochía]]. Una begada que casó, se tornó ta Delft con a suya muller, anque obrió una botiga de paños.
 
En istas añadas de comerziant e aduyant d'alguazil en Delft, van Leeuwenhoek fabricó os suyos primers lentes dimpués d'aprender o soflau y pulimiento d'o bidrio por a suya cuenta. Grazias ta istos microscopios artesanals beyó as primeras fibras musculars e confirmó as teorías de l'italiano [[Marcello Malpighi]] áa redol d'a zirculazión d'a sangre por os capilars. Dica [[1674]] ba proseguir con o desembolique d'a suya tecnica de perfezionamiento de lentes, momento cuan ye datata a suya primer descripzión detallata d'os globulos royos. En ista mesma añada ba fer as obserbazions en augua de plebia d'una balseta y en a suya propia [[saliba]], a partir d'as que ba fer a conoixita descripzión d'os ''animalez chicorrons'' que güe se denominan [[protozou]]s.
 
En l'añada de [[1679]] van Leeuwenhoek obserbó as primeras [[bauteria]]s ([[bazil]]os), prenendo trozez d'o suyo propio sarro dental, y tamién [[espermatozou]]s umanos.
 
Grazias áa estar o primer en tener lentes de tanta calidat, podió fer una serie de descubrimientos que denguno yera en condizions de fer en ixas embueltas. Pero Antón van Leeuwenhoek no ye sólo recordau por istos descubrimientos, sino tamién por muitas d'as conclusions t'as que plegó. D'istas obserbazions en charró áa o suyo amigo [[Reinier de Graaf]], un medico de Delft con contautos en a ''Royal Society'' de [[Londres]]. Van Leeuwenhoek obtenió o reconoximiento ofizial d'a soziedat britanica en [[1680]].
 
Toz os decumentos que ba fer en a suya bida ban estar escritos en luenga [[olandés|olandesa]], cosa bien rara en un tiempo en que toda a literatura zientifica s'imprentaba en [[latín]].
 
A istoria diz que, áa l'ora de faltar, en o suyo leito de muerte, van Leeuwenhoek ba dictar una carta ta la ''Royal Society''. O secreto ta fer os lentes que feba serbir en as suyas obserbazions marchó con el o [[26 d'agosto]] de [[1723]], cuan l'olandés yera per as 91 añadas d'edat. Increyiblement, beluns d'os lentes simples que ba fer en bida ban alcanzar os 480 aumentos, fita que no estió igualata dica o [[sieglo XIX]], cuan se ba imbentar o microscopio compuesto.
 
{{DEFAULTSORT:Leeuwenhoek, Antonie van}}
284 647

ediciones