[[Imachen:Bayer Heroin bottle.jpg|thumb|right|Botella d'[[eroína]], una droga que puet causar adizión ascape.]]
O termin '''adizión''' ye emplegato en cuantos contestos ta describir una inclinazión, una obsesión, una obligazión u una dependenzia fesica u psicolochica eszesiba. Bels eixemplos d'adizión pueden estar l'adizión áa las [[droga]]s ([[drogadizión]]), áa los [[bidiochuego]]s, áa lo [[chuego]] ([[ludopatía]]), áa lo [[tabaco]] ([[tabaquismo]]), áa l'[[alcol]] ([[alcolismo]]), áa l'[[ordinador]], áa la [[pornografía]], áa [[alimento|minchar]], entre d'atros.
En terminolochía medica, una ''adizión'' ye un estato en que o cuerpo pende d'una sustanzia ta funzionar normalment, e desembolica una dependenzia fesica áa ista, como en o caso d'a drogadizión. Cuan a droga u a sustanzia de qué belún pende se li retira, ixo causa en o malauto un [[sindrome d'abstinenzia]], que presenta un conchunto carauteristico de sintomas. En o campo d'a psicolochía, una adizión no ye asoziata nezesariament con l'uso abusibo d'una sustanzia, ya que ista forma d'adizión se puet chenerar encluso seguindo a [[merezina|medicazión]] d'un tratamiento medico combenzional, prescrito por un [[medico]].
A [[OMS]], por eixemplo, ha emplegato los termins "abituazión", "farmacodependenzia", "uso perchudicial" e atros ta referir-se áa l'uso de [[sustanzia]]s, cosa que reflexa la discusión en o interior d'os dibersos comités que s'han formato ta descutir o tema.
En l'actualidat esiste un zierto consenso, no de tot azeutato, que distinge áa lo menos dos fenomens relazionatos con l'uso de sustanzias psicoautibas: adizión e dependenzia. Istos dos fenomens son de tot diferenziables tanto en a clinica como en a neurobiolochía, conducta e tratamiento. Manimenos, os dos grans manuals de consenso arredol d'os trastornos psiquiatricos (o DSM IV de l'American Psychiatric Association, e a CIE-10, d'a OMS) presentan una mezcla d'os suyos sinnos carauteristicos.
Orichinalment, adicto yera qui seguiba ziegament áa lo lider, sin de creticar nian tartir (en [[latín]] ''a-dicti'': ''no dizión''). Dimpués se dizió ''addictus'' áa un ''esclabo'' por deudas. D'aquí biene ''addictio'': ''adchudicazión, zesión áa lo millor postor, consagrazión, dedicazión''.
Manimenos, l'uso común d'o termin ''adizión'' ha enamplato lo suyo [[campo semantico]] áa la dependenzia psicolochica. En iste contesto, se fa serbir o termin en a drogadizión e os problemas d'abuso de sustanzias, pero tamién se refiere áa los [[comportamiento]]s que no se reconoxen por un regular como problemas d'adizión, como l'adizión áa minchar, áa lo chuego u áa los ordinadors. En iste tipo d'[[azepzión]], o termin denota o comportamiento compulsibo d'un indibiduo en reyalizar bela autibidat espezifica, áa tamas d'as consecuenzias perchudicials que pueda tener ta la suya salut, o suyo estato mental u a suya bida sozial.
[[Categoría:Sciencias d'a salut]]
|