Encara que a fotosintesis se puet produzir de diferents maneras en diferents espezies, bels rasgos son siempre iguals. Por exemplo, lo prozeso siempre prenzipia cuan a enerchía luminica ye absorbita por [[proteína]]s ditas [[zentro de reazión fotosintetico|zentros de reazión fotosinteticos]], que contienen [[clorofila]]s. En as plantas, istas proteínas residen en o interior d'[[organulo]]s ditos [[cloroplasto]]s, mientres que en as bacterias se troban en a [[membrana plasmatica]]. Una parti d'a enerchía luminica ye recullita por as clorofilas en forma de [[trifosfato d'adenosina]] (ATP). Aa resta d'a enerchía se fa serbir ta trayer [[eletrón|eletrons]] d'una sustanzia como l'augua. Allora, istos eletrons s'emplegan en as reazions que transforman o diocsido de carbonio en components organicos. En as plantas, algas e zianobacterias, isto se fa á trabiés d'una secuenzia de reazions dita [[ziclo de Calvin]], pero en bellas bacterias se dan conchuntos diferents de reazions, como lo [[ziclo de Krebs imberso]] en ''[[Chlorobium]]''. Muitos organismos fotosinteticos tienen [[adautazión (biolochía)|adautazions]] que conzentran u almadazenan o diocsido de carbonio. Isto premite reduzir un prozeso dito [[fotorespirazión]] en que se puet malmeter parti d'o zucre chenerato mientres d'a fotosintesis.
A fotosintesis [[eboluziónevolución|eboluzionó]] en a [[istoria ebolutiba d'a bida]], cuan totas as formas de bida d'a Tierra yeran [[microorganismo]]s e l'atmosfera teneba muito más diocsido de carbonio. Os primers organismos fotosinteticos probablement eboluzionoron fa bels 3.500 millons d'años, e emplegaban o [[idrochén]] u l'[[azeto sulfidrico]] como fuent d'eletrons, en cuentas de l'augua.<ref>{{en}} {{cite journal |author=Olson JM |title=Photosynthesis in the Archean era |journal=Photosyn. Res. |volume=88 |issue=2 |pages=109–17 |year=2006 |month=Maig |pmid=16453059 |doi=10.1007/s11120-006-9040-5}}</ref> As [[zianobacteria]]s amanixioron más entabant, fa bels 3.000 millons d'años, e cambeyoron a Tierra ta cutio cuan prenzipioron á [[catastrofe de l'ocsichén|ocsichenar l'atmosfera]] á partir de fa bels 2.400 millons d'años.<ref>{{en}} {{cite journal |author=Buick R |title=When did oxygenic photosynthesis evolve? |journal=Philos. Trans. R. Soc. Lond., B, Biol. Sci. |volume=363 |issue=1504 |pages=2731–43 |year=2008 |month=Agost |pmid=18468984 |doi=10.1098/rstb.2008.0041}}</ref> Ista nueba atmosfera premitió a [[eboluziónevolución d'a multizelularidat|eboluziónevolución de bida complexa]], como los [[protista]]s. Ebentualment, fa bels 550 millons d'años, un d'istos protistas formó una [[simbiosis|relazión simbiotica]] con una zianobacteria, creyando lo debampasato d'as plantas e as algas.<ref>{{en}} {{cite journal |author=Gould SB, Waller RF, McFadden GI |title=Plastid evolution |journal=Annu Rev Plant Biol |volume=59 |issue= |pages=491–517 |year=2008 |pmid=18315522 |doi=10.1146/annurev.arplant.59.032607.092915}}</ref> Os cloroplastos d'as plantas actuals son os deszendients d'istas zianobacterias simbioticas anzestrals.
