Segundas taifas

As segundas taifas estioron unos reinos islamicos independients que amaneixioron en a Peninsula Iberica quan os almorabetz encomenzoron a entrar en un periodo de decadencia y que duroron dica a invasión almohade.

As sublevacions anti-almorabetz encomenzoron en o surueste d'a peninsula entre os anyos 1143 y 1144, empentatas por una secta conoixita como muridim. Os muridim plegoron a dominar L'Algarve, Badajoz y Cordoba.

O senyor d'a taifa de Rueda Sayf Al Dawla d'a familia d'os Banu Hud se declaró vasallo d'Alfonso VII de Castiella y consiguió reinar en a Taifa de Murcia. A la suya muerte en 1146 fue sucedito por Ibn Iyad, que morió en l'anyo 1147 y fue sucedito por Ibn Mardanis, o celebre rei Lop, con qui a Taifa de Murcia arribó en o suyo apocheu, conquerindo Valencia y territorios en Andalucía oriental. O rei Lop contaba con l'aduya d'os cristians. Manimenos dimpués d'un periodo d'estabilidad y de gran desembolique economico a la fin no podió resistir a invasión almohade.

En as Balears una familia almorabet consiguió mantener-se independient d'os almohades dende l'anyo 1146 dica l'anyo 1203.